(Арсемкс=проект)
5-це Эрзя раськень Инекужонть ютавтома мельтне.
- 5-це Эрзянь Инекужось – те эрзянь ломанень панжадо промкс, конас пурнавить сеть ломантне, кить эсь раськелемекс ловить ансяк ЭРЗЯ раськелементь, кодамояк поладкстомо.
- Эрзянь Инекужось – те промкс, козонь эрзянь ломантне сыть-молить ансяк эсь мельсэ, кисэяк апак кармавто, кидеяк апак аште.
- Эрзянь Инекужосо кортамо кельтне: эрзянь, рузонь (кие а машты кортамо эрзякс).
- Эрзянь Инекужос молиця ломанесь сонсь пандсы Инекужос молеманть-ардоманть, ярсамканть-удомканть, сонсь вешни-саи удома тарка.
- Эрзянь Инекужос молемадонзо эрзянь ломанесь сонсь теи мельяволявкс (заявка) Инекужонь анокстамо курос.
- Эрзянь ломанень вейсэндявкстнэньгак ули праваст кучомс Эрзянь Инекужов эсь промкссо кочказь эрзянь ломанть, зняро, зяро ули вейсэндявксонть мелезэ. Сестэ вейсэндявксось кучи Инекужонь Анокстамо курос Кочказь ломанень лемест.
- 5-це Эрзянь Инекужос молемадо мельяволявкстнэ ды эсь лемень сёрмалематне максовить Анокстамокурос 2016 иень панжиковонь 15 чинть видьс.
- 5-це Эрзянь Инекужонь Анокстамо Куронть важодема тарказо: «Эрзянь Мастор» кулялопанть нупалезэ: Саран ош, Коммунистическая кудокурось, 33 кудось, 3-це кудопельксэсь, 527 нупалесь. Пшкадема тешкстнэ: E-mail: erzia@moris.ru, тел. 8 834 2 24 28 65.
- Инекужонь Анокстамо Куронь прявтонтень пшкадема тешкстнэ:E-mail: erush2002@mail.ru, тел. +7 921 151 00 35.5-це Эрзянь Инекужонь Анокстамо Курось. Эрзят! Ловнык, витинк, поладынк!
Комментировать