2016 иень ацамковонь 8 чистэ Верце Пышма ошсо Свердловонь ёнкссо ушодовсь васенце пельксэсь «Россиянь пиже-кшнинь прявтош» вики-экспедициясь. Эйсэнзэ ульнесть эрзянь, башкирэнь википедиястонть.
С
он ульнесь анокстазь «Викимедиа РУ» ды «Уралэлектромедь» заводонть морто — кона Верце Пышмань ошюронь важодема тарка, ды сови Уралонь пандонь-кшнинь компанияс.
Викиссёрмадыйтнэ састь Московсто, Петра ошсто, Уфасто, Екатеринбургсто ды Свердловонь ёнкссто. «Россиянь пиже-кшнинь прявтош» экспедициясь — васенце наукань вики-экспедиция россиянь промышленностень таркас. Васенце чистэнть улицятне ваннызь весе пиже кшнынь тееманть, ды понгсть «Уралэлектромедь» ОАО таштомкудос. Теде мейле кармась вики-марафонось: те топавтома весе вейсэнь Википедияс эрьва кодамо материалтт — сёрмадовкст, фотокувт.
Те викикулясь ульнесь сёрмадозь Викикулянь сёрмадыцясонть, кона сась тей. Кода сон тешкстызе, сех мазый мезе кадовсь течи мельс, — сырьнень валовкс, конань теизь сельменек икеле. Эрьвась тейсь валовксонть марто фотокув мизолдозьс, ульнесь мель сускомонзояк. Истя жо ульнесть лия эрьва месть, теде ванодо седе ламо.
Т
е пурнавксось ушоды эрьва-кодат вики-экспедицият, «Викимедиа РУ» кедькирди GLAM-проектт таштомкудотт марто. Пиже-кшнинь компаниянть ули мелезэ максомс олячис Creative Commons серия ало эсист информационнойть материалтт, конат сюлмавозь Уралонь кшниньтееманть ды историянть марто. Аволь умок сынь ютавтызь те лицензиянть ало эсист интернет вальмань материалост.
ПЕТРЯНЬ АНДЮ
«Wikikulät»
«Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать