«Вайгель» раськень пачтямокерьксэсь Мордовиясо нолдась «Ёвкске-кавкске» плаштине. Эйсэнзэ эрзянь кельсэ 10 ёвкс.
«Ё
вкске-кавкске» истя мазыйстэ лемдязь эрзянь ёвкс марто плаштинесь. Тей совасть кода кезэрень ёвкст – «Атя ды поп», «Од ава ды Яга баба», «Псака», сёрмадеень — Серафимань Люлякинань «Бабань ульнесь саразкезэ», «Кокоркине»; Ольгань Сусаревань-Богдановань «Анге», «Варда»; Маринань Тарасовань «Пижень суркс»; Сергеень Козловонь «Лей чиресэ».
Ловныть ёвкснэнь сынсь автортнэ, ды содавикс эрзянь сёрмадыцясь, кулянь-, валморозеесь Маризь Кемаль, куляньсёрмадеесь Светлана Сюваева ды лият. Дизайн-вёрстканть теизе Елена Барцаева, пря лопантень артовксонть – Валентина Коровина. Теицязо-пурныцязо те плаштиненть «Вайгель» раськень пачтямокерьксэнть редакциясь.
Сон сёрмадозь радионь студиясо. Дискесь нолдазь аволь микшнеме, сон карми казнекс эйдень кужосо важодицятненень, конат бажить содавтомс эйкакштнэнь эрзянь шкинеманть марто, школасо эрзянь келень тонавтыцятненень. Истя жо паро мельсэ казтяно плаштиненть сетненень, кие вечки кунсоломо ёвкскеть-кавкскеть.
Теде икеле «Вайгель» пачтямокерьксэнть куляньсёрмадейтне «Россельхохбанконть» лезксэнзэ вельде сёрмадокшность эрзянь ды мокшонь моро марто эйкакш туртов «Казне-Казня» плаштине. Маласо шкасто лиси мокшонь кельсэ седямоплаштине, ков совить ёвкст, баснят, ёвтнемат.
нежедязь «Вайгель»раськень пачтямокерьксэнть
кулянзо лангс
©Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать