А умок од эрзянь морыцятнень ютксо чачсь од тештине. Те сонзэ васенце морозо, васенце эскельксэсэ. Минек коряс, теевксэсь пек вадрясто лись! Ловнодо кортамонть Андрей Бочкановонь марто, Мордовиянь филармониянь морыцянть марто.
Erzyaks.ru: Ёвтнек эстедеть: косо чачить, касыть, косо тонавтнить?
М
он чачинь Рузаевка ошсо, тесэ касыньгак. Прядыя тесэ школанть, прядыя музыкальной школанть. Седе тов тонавтнинь Саран ошсо архитектурно-строительной факультетсэ МГУ Н.П. Огарёвонь лемсэ, мелят сонзэ прядыя.
Erzyaks.ru: Кода содатан важодят филармониясо. Косто саевсь «моронь вечкемась», кода тон молить сонензэ?
М
орамонть уставинь вишке пингстэ. Морынь школасо эрьва мероприятиява, ансяк зярдояк эзинь арсе сюлмамс эсь эрямом морамонть марто. Истя жо морынь университетсэяк, голь минек факультетэнь коллективсэ, ськамон эзинь морсе. Ветеце курссо, «Студентэнь весна» фестивалентень анокстынь моро, конанть мораксылия ськамон, ды ве репетициясо неимим Глебова Оксана Кирилловна, конась седе тов уставась мартон важодеме. Мерян тензэ покш сюкпря вайгелем путоманть кис. Монь койсэ, сон монь сюлмимим морамонть марто, аволь монсь))) Ды седе тов саимизь важодеме филармонияв, ней важодян голь культурасо. Неень шкасто а янгсян тунь теде.
Erzyaks.ru: Морось теть: мезе максы, мезе эйстэнзэ саят тон?
Э
рьва моронтень путомс кодамояк смусть, ды се смустенть эряви чарькодемс морыцянтень, марямонзо оймесэ. Зярдо сон а чарькодеви, а маряви вадряль сонзэ кадомс… кадык кияк лия морасы). Бути морось тонеть лади, да тон сонзэ парсте теик ды морык, сестэ кунсолыцятне эйсэнзэ парсте примить сон максы тонеть голь кеняркс да вий теемс седеяк вадрясто.
Erzyaks.ru: Кинь морыцятнень эйстэ вечкат, кие максы вий, ёрокчинь важодемань вий? Улить тосо эрзят? Мезе вечкат кунсоломо (эрзянь, рузонь ды лия кельсэ)?
А
рась монь кодамо бути вейке морыця, конанть лемдевлия кумирэкс, секс мекс неень шкасто улить пек ламо ёроков морыцят, да эрьванть эсь стилезэ. Истяк меремс пек вечкан кода моры Константин Меладзе, Филипп Киркоров, вечкеви Трофим. Сергей Чумаков, монь койсэ пек ёроков морыця. Пек вечкеви IOWA группась, истя жо вечкан омбомасторонь морыцятнень… Мезе тень вечкеви — сень кунсолан. Эрзянь моротнень кунсолан аламо, секс мекс пек аламо эстрадной моротне эрзякс. Ды те монь койсэ арсян пек берянь!
Erzyaks.ru: Кода чачсь тонь «Вай кодамо!» морот?
«В
ай кодамо» морось чачсь умок. Кавто иеть ютасть кода мон сонзэ сёрмадыя. Арсинь теемс сонзэ сеске, ансяк, кода сеедьстэ эрси, эзь лись. Вана арсян, вадря эзь лись сестэ, а лиссь ней. Валтнень сёрмадынь ве чис, састь прязон сеске, вадря ульнесть конёв ды карандаш ваксон)))
Erzyaks.ru: Ёвтнек мородонть: косто саевсть валтне, кие лездась седямонть мазычинть теемензэ?
T
е ульнесь шожда монень секс мекс весе морось – те монь ледстемам: кода мон вишкинестэ якинь Кацяло велев, тосо якинь калс, стада ванома, да весе те – те алкукс, те ульнесь мартон. Тедиде мон пшкадинь пек ёроков музыкантонтень Игорь Лисенковнень, кортынек мартонзо, да сюкпря сонензэ, чарькодизе мезе монень эряви, кодамо стильсэ сёрмадомс. Ды теизе истямо паро аранжировканть.
Erzyaks.ru: Учомс седе тов од морот тонь пельде?
П
ек кеман седе товгак кармить морот монь пельде, бути весе карми вадря! Курок, седе тов вейке моро эрзякс прядтано, паряк кизна.
Erzyaks.ru: Косо морсят: ошсо, велесэ? Кодат валт теть ёвтыть сыця кунсолыцятне?
Э
рьва морсян кува, важодемам истямо – филармониянть эйстэ артнитяно Мордовиява, Саран ошсояк моратано. Свал эрси истя – кинень бути вечкеви, кинень бути а вечкеви, эрьванть эсь мелензэ, ансяк истямо ештё арасель, чтоб ломанесь пшкадсь да мерсь кода ульнесь берянь! Кеман зярдояк а карми)))))
Erzyaks.ru: Кинь эрзянь морыцятнестэ содасы? Улить ялгат ютксост?
Э
рзянь морыцятнень эйстэ содасан «Мерема» ансамблянть, пек вечкан сынст шкинемаст аволь эрзяксгак. «Торама» вечкеви!
Erzyaks.ru: Тонь лацо ули-арась конкуренция эрзянь морыцятнень ютксо? Эряви сон, эли арась, тон мельс?
О
д морот эрзякс монь койсэ эрявить, да седе ламо. Конкуренция, те свал вадря, сон тулкади эсист вадрякстомс тевест. А конкуренция эрзятнень ютксо монь койсэ арась – эрзянь морот арасть! (((
Erzyaks.ru: Тонь мелеть ловныцятнень туртов…
Л
овныцятненень мон арсян а стувтомс келенк, а стувтомс эрзя раськенть, сюпавтомонзо сонзэ кие кода машты! Да зярдояк илядо мелявто – весе карми вадрясто!!!))))
Ванодо мельспаросо Андрей Бочкановдо 1 минутасо 31 сек.
©Портал «Erzäks.ru»
Невтевкс налткенть эряви максомонзо,
зярдо саят тестэ сёрмадовкснэнь.
Комментировать