Таго шумбратадо, вечкевикс ялгат!!!! Кавто чинь перть (15.06-16.06) лаказь лакась VII Весемасторонь финнэнь-угрань Инекужось. Весе кулятнень тыненк пачтинь Инстаграм, Контактсо, Фэйсбук сайтнэнь вельде. Сась шка пурнамс весе ве лувс ды сёрмадомс теде.
А
штемковонь 15 чи
15.00 панжовсь Инекужось «Сибеллиус Холл» таркасонь. Пек мельспаросо панжизе сонзэ саамонь раськень рэперэсь Айлу Валле (аволь президент!) Седе тов киштсть ды седясть тейтерькат ды Лахти ошонь камерань оркестрань консерваториясь.
Шумбракстнема вал сайсть масторонь прявтнэ.
Васенцекс сценанть лангсь кузсь Финляндия Республикань прявтось Саули Ниинистё. Сон кортась Инекужонь эрявиксчиде, минек ютксо малавиксчиде. Седе прявт мелезэ – вандынь чинть теить од ломантне, сыненст максомка ки лездамка эрьва мейсэ.
Седе тов вал сайсь Эстония Республикнь прявтось Тоомас Хендрик Ильвес. Арсеманзо коряс, неень шкасто вишка раськетненень эряви вешнемс од кить-лувт, илязтано ёма. Теке марто, сон тешкстызе, кода пек эряви лездамс вейкенек-вейкенек туртов, кортнемс-вастневемс, седе парсте марявольть эсь пряст раськенек.
Колмоцекс сцена лангсо кортась Венгрия Республикань прявтось Янош Адер. Сон ёвтась, кода шкась явинзе минек раськетнень, ламосо полавтынзе венгратнень. Ансяк сядо иеде теде икеле муевсть превей ломнать финнэнь-угрань раськетнестэ, конат муизь малавиксчитнень кельсэ,верьсэ. Прявтось тешкстызе: минек ютксо вейкетьксчитне кармавтыть тейнеме вейсэнь тевть.
Теде мейле вал сайсь Россиянь культурань министрань полавтыцязо Александр Журавский. Васняяк сон ловнызе Россиянь прявтонть Владимир Путинэнь шумбракстнема валонзо Инекужонтень, косо тешкстазь финнэнь-угрань раськетнень покш таликаст. Теде башка, президентэсь арсесь инекужонь ломантненень паро лы алкуксонь важодема. Теде мейле А.Журавский кортась Россиясо финнэ-угрань раськетнень течинь тевдест, проектнэде. Сон тешкстызе, финнэнь-угрань вейкетьксчись лезды Россиянь,Финляндиянь, Венгриянь,Эстониянь ютксо сюлмотненень.
Прявт докладонть «Финнэнь-угрань раськетне кеме касомас (Финно-угорские народы к устойчивому развитию) теизе Финляндиянь образованиянь ды культурань министрась Санни Гран-Лаасонен.
Седе тов вал сайсть Лахти шонь мэрэсь Юрки Мюллювирта, ЮНЕСКОсто ломань ды Алексей Цыкарев – ООНсо важодиця карелэнь од цёрась.
Чокшне ланга ульнесь весе вейсэнь вастовома. Мейле пек чокшне ламотне тердезельт «Метро» баронтень, косо морасть карелэнь морамо курось «Санту Карху» ды тагояк сааминь рэперэсь.
Учеваткин Сантяй
©Портал «Erzäks.ru»
Невтевкс налткенть эряви максомонзо,
зярдо саят тестэ сёрмадовкснэнь.
Последние комментарии