Даволковонь 21 чись те Модамасторонь келес тешкстневиця Тиринь келень Чись. Течи теде ёвты эсинзэ мелензэ Кяби Суви, Суоминь-угрань раськень од ломанень вейсэндявксонть (МАФУН) прявтозо.
Вечкевикст Модамасторонь ломанть!
Т
ечи – Модамасторонь келес тешкстневиця Тиринь келень Чись. Те Чинть кувалма ули мелем шумбракстемс весе сеть ломантнень, кить путыть покш питне тиринь келень ванстомас-эрямос.
Течи кельтне ёмить эрямосонть текекс истя пек куроксто, кода ёмить Модамастор лангсто идем ракшань раськетнеяк. Модамасторонть лангсо эрицятнестэ ансяк 6% совить сеть вейкетькс кельсэ кортыця раськетнень юткс, конатнень покшолмаст 1 миллиондо ламо. Лия кельсэ кортыцятнеде, эйстэдест 94%, лововить ансяк 6% Модамасторонь весе эрицятнень ютксто.
Неть ловмотешкстнэ-цифратне полавтовить чиде чис. Ялатеке минек улить виенек теемс сынст аволь истямо апарокс.
Келесь ловови кулозекс, зярдо а кадови вейкеяк ломань, кона машты кортамо те кельсэнть кода тиринь кельсэ.
Секскак монь тердемам тенк истямо: кортадо тиринь кельсэнк эсь эйкакшонк марто, эсь кудосонк, эсь кудораськесэнк, эсь ялганк марто. Те тевесь пек аволь стака, сон шождасто тееви-топавтови миненек минек тиринь келенек ванстомга-вельмевтемга. Мон кеман, те тевесь тенек топавтови.
Кяби Суви,
Суоминь-угрань раськень од ломанень вейсэндявксонть (МАФУН) прявт
эрзянь кельс ютавтыцясь: Эрюш Вежай
©Портал «Erzäks.ru»
Невтевкс налткенть эряви максомонзо,
зярдо саят тестэ сёрмадовкснэнь.
Комментировать