Течи, ожоковонь 21 чистэ, Саран ошонь 26-це лицейсэ, 5-це классо ютавтови эрзянь келень коряс панжадо урок. Вети сонзэ Александр Данильчев.
5Г
классось важодсь! 5-це А классось снимсесь!
Эриванмот: 1 пелькс, 2 пелькс.
Светлана Ёжикова
Невтевкс налткенть эряви максомонзо,
зярдо саят тестэ максозь сёрмадовкснэнь.
Эрзянь келень панжадо урокт
Ожоковонь 21-це чистэ Саран ошонь 26-лицейсэ ютась Республикань научно-методической промкс «Современные образовательные технологии эрзянского и мокшанского языков в условиях ФГОС».
Тезэнь пурнавкшность М. Е. Евсевьевень лемсэ эрзянь ды мокшонь куротнень студенттнэ ды тонавтыцят-кунсолыцят, конат кастыть эсест содамочист-ёрокчист тонавтомань тевсэнть. Весе инжетненень ёвтнезель 26-це лицейденть, невтезель эрзянь ды мокшонь культурань куншкась, кона панжозель тельня. Теде мейле сыцятне явовсть колмо курова эрзянь келень уроконь ваномо, конатнень ютавтсть Светлана Юрьевна Дмитриева (4-це А классось), Ирина Геннадьевна Зубарева (3-це В классось) ды Александр Алексеевич Данильчев (5-це Г классось).
Уроктне невтезельть од вешематнень коряс, конатнень аволь умок кемекстынзе Россиянь Образованиянь Министерствась. Уроктнень прядомадо мейле пуромозтне ёвтызь эсест мелест-арсемаст уроктнень коряс. Весе макссть покш питнеть тонавтыцятненень ды ёвтасть ламо шнамонь валт. Сехте пек кенярдсть студенттнэ, конатненень курок сави варчамс эсест лангсо тонавтыцянь а шожда тевенть. Сынь кадовсть покш мельспаросо неезденть эйстэ.
Зинёронь Сантяй
Комментировать