Кода минь сёрмадынек икеле, исяк панжовсь артовксонь невтема од артындеень Алёшинень Паолонь «Эрзянь этноромантизма» лем марто. Кода ютась панжамось ёвтни Алина Подгоронова.
Я
лгат! Течи «Маска» арт-кафесэ панжовсь Павел Алёшинэнь артовксонзо невтемась-выставкась. «Сяткось» эзь юта те покш тевенть вакска. Вана мезе ули меленек ёвтамс.
Од артыцясь топавты тевензэ этноромантизмань лувсо. Сон сюлми эрзянь фольклоронь койтнень неень шканть марто,мезесь пек тусь минек мельс. Сонзэ Мастораванть пилесэ наушникть ды сон аварди чувтосто чапозь кудонзо вакссо, конань сасы-нили ошось. Те Масторавась—минек раськенть неень шкань чачозо. Мельс тусь лия артовксоськак: кавто од ломанть аштить толбандя вакссо.
Цёраломанесь—неень шкань оршамосо, тейтересь—эрзянь палясо. Ды те а кери сельметь. Артыцянтень мельспаросо ёвтазель мель поладомс важодеманзо теке лувсонть, сон пек тусь весень мельс. Артовкстнэнь ваномсто теке чопавтят эрзятнень мифологияс ды исторяс, ёроков ломанень сельмсэ варштат лангозост ды сынь прок вельмить, теевить эриекс. Покш сюкпря Паолнэнь те казненть кис!
Паро се: невтемась а прядови маласо читнестэ, весе кенерить сонзэ ваномо. Моледе, ялгат, а карматадо янксеме. Минек ошонь од артыцятнень ютксто секень вант кияк а яви истямо мель эрзянь раськентень. Ды секс Паолонь артовксонзо миненек седеяк питнейть.
Выставкань панжомантень сакшнось содавикс этнофутуристэсь Ю.Дырин, садо тыньгак, бути Саранскойсэтядо!
Мелень поладомга. Меельце читнень перть эрзянь од ломантне кецявтыть минек паро тевсэ. Васня «Оймесь», кона гайгевтизе «Вайянть» Интернетэнь келес, ней вана Павел Алёшинэнь невтемась. Аволь допрок макшиясь Ине чувтонок, карматано эрямо седе тов, ялгат!
ПОДГОРНОВАНЬ АЛИНА
«Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать