Мордовиясо прядовсть васенце артонь эриванмонь эрзянь кельсэ снимамось. Лемезэ «Азор».
2
015 иень ожоковсто кавто эрзянь церат Виктор Чичайкин (кона содавиксэв кода Бакич Видяй) ды Александр Учеваткин ушодызь важодеме «Азор» васенце художественной фильманть лангсо. Минек Мордовия Республикасо те шкас эзь марсевть вейкеяк истямо проект. Седеяк питневгавты «Азоронть» эрзянь кельсэ теемазо. Се шкасто саезь Интернетка, кулялопава (газетава), телевизорга ульнесь яволявтома кинодонть, анокстазель тизер – нурька ванмо. Ламоксть якинек покш ломаньга, гайкстнинек, сёрмалинек коневт, вешинек лезэ.
«Лезэсь сась тосто, косто учинекак. Россиянь келес эриця эрзятне кармасть кучнеме миненек ярмакт, кие зяро маштсь. Видьстэ меремс, Виктор марто ютавтынек пек ламо вийть удемень, ярмаконь. Кучозь паро ломантнень лезэськак ульнесь тенек кеме нежекс: оршамопельть (саинек Саран ошсто, Казань ошто, Рязань ошсто), ставтомат, налт, торот, ломантненень пандомакат-андомкат, лишметь, тракторт…», — кемекстызе Александр Учеваткин.
Съёмкатне ютасть Дубенкань, Кочкурбуень, Покш Березникень, Отяжелень модатне лангсо. Меельце снимамотне ульнесть 2017 иень даволковонь 24 чистэ Орданьбуень Баева велесэ.
«Весе видеотне пурнавсть вейс. Ней моли стака витнемань-петнемань важодема (монтаж), студиясо вайгелень сёрмадома. Те важодемась веши ламо вийть», — тешкстызе Бакич Видяй.
Васняяк алтынек нолдамс «Азоронть» 2016 кинонь иестэ. Содави, покш лезэвтеме те стака канстонть сави кандомс седе кувать.
Течи ёвтатано сюкпря ломантненень, кить лездасть ярмаксо:
Кафтаев Денис (Воронеж ош) – 1500 ц.
Таганов Дмитрий (Бугуруслан ош) – 1000 ц.
Богданова (Сусорева) Ольга, Богданов Константин (Тольятти ош) – 2000 ц.
Данильчев Александр (Саран ош) – 3000 ц.
Гайнинькань Пичай (Красноярск ош) – 5000 ц.
Алексеева Вера (Самар ош) – 3000 ц.
Мигачев Андрей (Саратов ош) – 10 000 ц.
Святкина Татьяна (Поводвеле, Петрань ош) – 1000 ц.
Кокин Евгений (Саратов ош) — 6000р.
ЗАО «Агро-Атяшево», Щемеров А.В. прявтось (Отяжвеле) – 5000 ц.
Дёмкин Александр (Саран ош – Кендя) – 3000 ц.
Рябов Петр (Вирь ало Тавла веле) – 1000 ц.
Коротин Михаил Петрвоич (Саран ош) – 10 000 ц.
Эрюш Вежай / Борис Ерюшов (Мурман ош) – 15 000 ц.
ОАО «Агрофирма «Норов», директор Поздняков А.В.(Семилей веле, Кочкурбуе) – 5000 ц.
Дригань Толай (Самар ош) – 1000 ц.
Мезеяк лангс апак вано, кода алтынекак, 2017 иень сексня учодо васенце эрзянь кельсэ фильманть кинотеатрасо, ошсо ды велесэ!
Кода ульнесть съёмкатне Орданьбуень Баева велесэ.
Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Последние комментарии