20015 иень ожоковонь 10-це чистэ 65 иень топодеманзо тешкстызе Римма Жегалина содавикс эрзявась. Покшчинть тешкстамонь юрсо ютавтозель моронь пусмонь-плаштинень ды книгань невтема:«Эрзянь морот: морамонь лувт, валт, ютавтовкст» ды «Моронь пусмо».
Вана мезе тень коряс мери сонсь Жегалинань Римма: ечи монь пек паро, покш кеняркшчи. Пурнавсть тезэ монь весе раськем-родням, ялгам, «Пизёлне» ансамблям косо мон морсян. Течи топодсь тень кодгеменьвете, ды тень шкантень капшавтызь книгань моронь пусмонть Ды пурнынь монь диск эсинь моронь марто, тосо кодьгеменьшка морот, — монь ютавтовкс марто, моравксось монь, ды валтне монь. Сизьгемень иесь аздан эрян-а эрян, сюпав чи эзинь ташто, а те кадови вана ломантненень. Кинень-бути мельс0парос кунсоломо, кинень-бути черновикэкс од морыцятнень, — теить паро фонограмма. Те васенце пелькссэсь карми алтавомо эрзянь моронтень»
«Т
Ламо лембе валт ёвтасть Татьяна Мокшанова «Чилисема» пакшань ковставкстонть эйстэ, Раиса Щанкина, ды содавикс эрзянь сёрмадеесь, валморозеесь Маризь Кемаль: она ломантнень штатолост палы, — те валдо ломанть, превей ломанть, ёроков ломанть, ды сынст тевест якамс моданть ланга ды вешнемс сеть ломантнень конататьнень ули штатолост, но сон а палы, ды кирвастемс! Вот, Римма Дмитриевна сеть ломантнень эйстэ, конань штатолозо палы. Сон пингензэ перть штатолонзо эйстэ кирвасти лият штатолт. Улезэ Римманк седе валдо, седе мазый, седе превей, ды шумбра!».
«К
Гайневтевсть морот «Пизёлнэ» морамо кужонть (Игнадвелестэ) «Кода истя», «Монь эрзянь чачома велинем», ды «Вечкемань сэдь». Седейс токинзе весэ пурнавозтнень Мамаевень Ортёнь «Кортак мартон, авинем» морозо, а Уляна Куликовонь «Пейделька» ды «Валске ланга лисян…» моротне тешкстызь мазы эрзянь морамонть.
Эрюшонь Вежай алтась чачома чинзэ кувалма моро:
Вай, тон ёлганя пизёлнэ…
Чокшнэсь сэтьме морынекс лей велькска уи,
Ошкесь вальма валдонзо кирвастни, пуви,
Чоподькс пачка поездэсь толнэкс кевери,
Пизёл ало кудосонть вечкемам эри.
Вай, тон ёлганя пизёлнэ,
Ашине цеця,
Мейсь, од рацяня пизёлнэ,
Аварькшнят истя?…
Ва заводонь увномась лей велькска срады,
Мон ношкстнян пизёлнэньтень, яннэм тов пурды,
Вармась сравтни-тапари прячерем-кудрям,
Чиян тонеть, пизёлнэм, пильгем а марян.
Вай, тон ёлганя пизёлнэм,
Ашине цеця,
Мейсь, од рацяня пизёлнэм,
Меньчеват истя?…
Чить кувать важодтяно, сельмем тонь вешнить,
Чокшнэ кедьс кундатано, тештне чатьмонить,
Сынь ванныть, а чарькодить: исяк монь учить,
Течи, вай, лия марто, лей чирев туить…
Вай, тон ёлганя пизёлнэм,
Ашине цеця,
Мейсь, од рацяня пизёлнэм,
Полавтнят истя?…
***
«УРАЛЬСКАЯ РЯБИНУШКА» моронть кувалма. Седямклувось: Е. Родыгин. Эрзянь валтнэ: Эрюш Вежай. 2015 ие, сёксь. Эрзякс арсевксэсь алтави Жегалина Римманень чачомчизэнзэ.
Ледстясынек, Жегалинань Римма 25 иеть ютавты эрзякс рузонь кельстэ, сёрмады виев валморот ды сёрмадовкст. Пек ламо вий ды мель путы интернет вельде эрзянь кельде ды шкинемадонть ёвтнемантень-сравтомантень.
«Эрзякс» порталонть редакциясь паро мельсэ кучи кеме шумбрачи, вий ды уцяска Римма Дмитриевнане од тевензэ-арсеманзо кувалт.
©«Erzäks.ru» порталось.
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать