Аумок кода содатан ютась Эрзянь «Раськень Озкс». Сонензэ сакшность эрьва косто. Течи макстанок сёрмадовксонзо Вирень Инзеень, Челяба ошсто. Ловнодо сонзэ Озкстонть.
К
удосан……Ды теке марто, оймем,седеем лиядсь тосо, косо монень пек паро, косо монь учить, кенярдыть монь самоеень, ков уски свал монь седеем, косо эри монь Эрзянь Инязором косо ялган, косо тикше потс «ваясь» монь чачома тирень кудом…
Эрзянь Масторов карминь пурнамо сеске,кода сынь 2013 иестэ, Раськень Озксонь ютавтомадо мейле.Не колмо иетне ютасть а пек курок,шкась усксевсь, эрямосон ламо мезе полавтовсь, моньсяк аламодо превиинь,полавтувинь. Аламонь-аламонь полавтовсть куш кодат варштаксон, мелень, арсеман…..Ламо ялган юткс совасть сестне ки иеде икеле ловсть пряст мАрдвакс, паряк сыньгак превиясть, лиякстомсть, кармасть пряст ловомо эрзякс!!!!!!!!!!Шкась полавты эйсэнек, аволь ансяк шкась, ды лия тевтне конат молить интернэтэнь пачк, монень маряви, минек покштянок-бабанок кармавтыть,энялдыь седеяк тов а меремс миненек ваднезь,чинев валсо мАрдва….Минь Эрзят!! Ансяк истя, лиякс кодаяк!!!
Пачкудинь Эрзянь Масторов пиже вене, мелявтуман, кавтолдоман арасельть, кода пачкудян Саран ошов Рузаевкасто……содынь вастсамизь алкуксонь ялган, Инязоронь кудосо монь учось уш пси ям ды чевте кше ды сонсяк Инязорось эзь удок, учось монь васолдо инже, коморсонзо ульнесть кудостонзо панжомкат!!)))
Валске марто сеске кундыник анокстамо 5 эрзянь Инекужонь ютавтомо, «Эрзянь Мастор» кулялопань редакцияс сакшность ялгат-эрзят, васоло ды маласо эрицят, кортниник, важодиник, симиник кофеде ,кенярдыник вастовоматнень, кортамотнеень,кой ки марто эзиник нее колмо куш иеть. Састь васняяк васоло эриця эрзятне, Гайнинькань Пичай, Егонь Минька, Пискайкин Толя лелясь, вастыник чугункань кисэ, поездэсэ, эрзянь коцт марто Эрюш Вежаень, те уш кармась паро коекс вастомс ялгатнень эрзянь коцт марто!!!
7 медьковонь чистэ стиник ансяк стясь чипаесь, монень марявсь кияк эзь удоя, эрьвась мелявтсь кода юты Инекужось, а улить кодаткак тувталт, апаро тевть ятотнень пельде………ды теке марто весе ютась пек парсте, састь Инекужов эрьва ендо эрзят, кадык эстэденек ульнесь а пек ламо, 52, ды нетне ульнесть весе минек, весе алкуксонь ЭРЗЯТ! Инекужосо эрзятне кортасть эрзянь паро,ды а пек паро тевтнеде, кортасть, арсесть, кода седее парсте ванстомс ды вельмавтомс минек эрзянь раськемек… монгак эзинь кирдеве ды покш атянь эземстэ евтынь мелень, арсеман. Чиде икеле монь кевстимим Эрюш Вежай: «Кода,арсят Инзейне, эрзянь раськесь ашти кулома таркасо, паряк вельмема?»Те сонзэ кевстиманть лангс монь эзинь карма кувать арсеме, сеске меринь: «Эри минек эрзянь раськенек,эри!!!». Седе ламо ломать кармасть ловомо пряст эрзякс, кортыть кадык а пек ванькс эрзянь кельсэ ды теке марто ули мелест кортамс тирень, чачома кельсэ. Кеман, а куловтови мАрдватнеень минек раськемек, а чалгсеви ды а кекшеви!!
Инекужонь ютавтомадонзо мейле минь секе чистэсть туиник Раськень Озксонь анукстамо,конась карми ютамо чинь ютазь икеле, молиник весе вейсэ,покш бусо,ускимизь Игнат буев паро эрзянь цера, Гайнинькань Виталь, сон совась юткозонок а пек умок, ды теке марто сеске невтизи алкуксонь эрзянь оймензэ!!Игнат велесэ минек учость уш… Анге самодонок мейле паримизь пси эрзянь банясо , а кодамо сюпав ульнесь Ангень моргозо…..чаво тарка арасель: чапамо ловсо, эрзянь панжакайть, салтань куярт, од модарькат, поза. Ваййййййй, истя тантейстэ кияк умок эзимизь каванякшно!!!Сюкпря, теть паро,эрзя ава, Анге патяй!!
Валскесь эзимизь кенярдо минек паросо, чипаесь ульнесь кекшезь пель ало, мольсь пиземе, ды теке марто эрявсь молемс паксяв штатолонь кепедеме ды лияткак ламо тевть минек учость се чистэсть…сюкпря, Максимов Юрий Василичнень кучсь кисэнек бус ды парсте минь пачкудиник тарказонок…
Раськень Озксонь таркась прок учось эйсэнек, колмо иеть минь араселенек тосо, се самай таркасость косо зярдо бути эрясть минек покштянок – бабанок, кодамо тосо коштось, менелеськак прок кенярдсь минек самозонок,пиземесь аламос оймакшнось. Тевтне эсть учо минек, эрявсь кундамс тевс,васняяк эрзянь коень коряс молиник веес вейсэ кепедеме минек раськень коцтонок….ды а сеске тевемек теевсь… се таркасо косо свал лыйнесь минек эрзянь коцтось, пизинесь, козонь эрьва Раськень Озксто путылиник флагштокось, ульнесь мерьказь,прок тракторсо ланганзо арсть..кепединик коцтонок лия таркас ды ансяк кармась лыйнеме минек эрзянь коцтось, косто а косто, теке тикше потсо кекшнесь ломанесь,чийсь ваксозонок ды кармась сеереме: «Илядо тев кепеде флагонк, те а тынк таркась!». Ансяк тевенек уш ульнесь теезь, эзиник карма кунсоломо кучозь ломаненть…
А пиземесь пизи, а неяви пезэ, штатолонть стака ульнесь кепедемс, кода икелень коряс кодаяк эзь мазылгавтово, пиземесь пизесь апак лотксе, эрзятне весе начксть, кельместь… Эрзянь Инязорось ютксонок, апак орша, ве панарсо, чийни, майси эрзятнень марто… Вана те сермадовксон икеле, иссяк монь сельмень икеле понгсь вейке ОТЧЕТ, вейке мАрдвань прявтонь пельде, косо сон сермады, евтни эсь мелензэ, арсеманзо Раськень Озксонь кувалт, вана путса сермадовксонзо:
Зажжение родовой свечи Штатола и обряд Озкса(моления)– в этот раз свеча была менее подготовленной чем в прошлом году. Скорее всего из-за дождливой погоды ответственные не успели или не смогли срастить составные части свечи, обмазать их воском так, чтобы свеча выглядела монолитной, а не разрезанной на диски. (источник).
А косо те сермадыцясь ульнесь се шкастость,зярдо эрзятне, Эрзянь Инязор марто пиземе ало кепедсть штатолонть, мейсь сон эзь са лездамо???? Кортамс куш мезде корты, сюды, сялды, а саволь, лездаволь, начковоль аламодо, паряк пря удемезе полавтоволь… ды эзь са, ансяк ват сялды, те а истя, те берянь….Инязорнэнь лездыцятне ульнесть апак сиведе, аволь ярмак лангс кармавтозь, сынь састь мастор пестэ, эсест панжадо, ванькс ойме марто, кияк эзь пеняца, эзь сюмордо, эрьвась тейсь эсензэ тевензэ кеместэ. Инешкепазось лездась, штатолось шумбрасто кепедевсь ,пиземесь эзь лотка, кудоенов кись пек лавшомгадсь, карминек мелявтомо кода валске пачкудить Раськень Озксонь ютавтомо Масторланга ёртнезь эрзятне…Энялдыник Инешкепазонь икеле, кадык вандынь чись карми паро, лембе, маней!!
Инешкепазось маримизь, неимизь, валскесь алкукскак ульнесь пиземевтеме, сэтьме, паро!!! Ютазь весь ютазь курок,некак кияк эзь удо.Таго сась кисэнек велень бус, ускимизь Раськень Озксонь ютавтома таркас.Эрзятне весе ульнесть оршазь мазы, ашо эрзянь оршамосо, чамасост кеняркст, мизолкст, прок исень чискак истямо начко арасель..
Эрьва ендо арсть машинат, ялго ютасть эрзят, паксясь пешкетсь мазы ломанде,эйкакшто…васенце мезе прась сельменек икелев,минек раськень коцтомок поводизь лия таркав, таки сась пиже вене,ды кепедизи коцтомок лия таркав, седее алкине флагштокс, ды теке марто эрзянь коцтось спеде мазыстэ лыйнесь лия таркасояк!!
Сась шкась Инязоронь кочкамо, атянь эземс озать алкуксонь эрзятне, сетне ки лови прянзо эрзякс, састь паро, ванькс ойме марто. Инязоронь коцкамось ульнесь ютавтозь салава, эрьвастень ульнесь максозь лопине,ков эрзясь сермадызи эсензэ мелензэ… ульнесть яволтовозь 8 эрзят, сынст ютксо: Кшуманцянь Пиргуз, Эрюш Вежай, Калаганонь Керяз, Аношонь Тумай, Йолонь Андю,Шаронов Сандра лелясь, Эрзяйкин ды Дригань Толай.Сех ламо мельть ульнесь максозь Кшуманцянь Пиргужон кис, 21 эрзянь ульнесь мелезэ неемс эсензэ Инязорокс Кшуманцянь Пиргужонь. Кочкамотне юютасть, кода рузокс меремс, демократически, кияк киньгак лангс эзь лепштя, киньгак эзь кармавто…теке марто,вана мезе сермады «ялгамок Инязоронь кочкамодо:
Выборы Инязора (царя эрзянского) – претендентов кроме действующего бессменного Инязора, Мусалева Григория Дмитриевича, нет, поэтому интерес к выборам только как к ритуалу. Реальной власти и полномочий легитимных от народа у данной должности нет, и от этого есть в ней определенная комичность и ирония. (источник).
Тесэяк веши асатыкст, «ялгась», а сонсь васолдо вансь Инязоронь кочкамсто, се шкане книгат явшась-микшнеь…
Ды ванна гайгезевсь «Торамань» вайгелезэ, ушодовсь озномась, мааронтень кузть атятне, кирвастезель Раськень штатолось, ушодовсь Инешкепазонтень пшкадемась, покштятне-бабатнень лемест кундамось. Весе эрзятне озность Инешкепазонтень, вешсть кувака, паро шумбра эрямо, малавиксэст туртов, касот паксятне, чачост ракшатне, улезэ шумбра минек эрзянь раськесь,пингеде пингес.!!!! Каизь модаст эрзятне мааронть лангс, човорявсь весе масторгангонь модась, коната ульнесь ускозь эрьва мастор ёндо, човарявсть модасть марто паро мельтне, арсематне эрзятнень. Кедьте-кедс кундазь молсть эрзятне мааронь перька, тейсть мазы кирькс, пурнавсть ве таркас, човоризь оймест, седеест, сеересть виев вайгелсэ:«Эрзят!Эрзят!Эрзят!» Алкукс, минь эрзят, аволь кодат бути мАрдват, аволь эрзя-мокшт, аволь кодат бути а чаркодевикст кентаврат!!
Весемесь ютась парсте, сэтместэ, кеняркс марто, седеяк валдомсть эрзятнень оймест,седеест,весень ульнесь чамасост ансяк кеняркст, мизолкст. Ламо мезе паро ютась те чистэсь весе а евтневи, ансяк куватьс пряудемсэнек, седейсэнек кадови те эрзянь покш чись, Эрзянь Раськень Озкс!!!!!! Эрязо эрзянь раськесь, пингеде пингес!!!!!!!
Вирень Инзейне, Челяба ош.
17 медьковонь 2016 иень чистэ
(сёрмадомалувось кадозь авторонть)
©Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать