2017 иень Чадыковонь 11- 17 читнестэ интернет пелькстамо «Викимедия ВикиТундо—2017» алтазь Эрзянь Келень Чинтень. Те таргонть перть веси анокстыть лопат, конат ульнесть максозь тееме вики-пурныцятнень эйстэ, сынст ютксо Литва Масторонть, Украинань ды Эрзянь.
икимедия ВикиТундо–2017 (руз. Викимедия Центральная и Восточная Европа: Весна 2017, англ. Wikimedia CEE Spring 2017) — те эрьва иень пелькстамо, конань анокстыть викимедиятне ды викийсёрмадыцятне, конат поладовсть вейсэ важодеме Куншкань ды Чилисемань Европассо. Смустезэ – лездамо лопань тееманть эрьва мастордонть, эрьва ёнкссонть, ды эрьва Википедиясонть.
Неень шкасто Куншкань ды Чилисемань Европа ёнкссонть ютасть ламо берянь тевть, конатат пачкодсть а виде тувталс, мельс а витемас (невтемга, 1969 иень чадыковонь Дубчекэнь полавтома Прагань тундонт лангс; зярдо ульнесть пелькстамот Пандолангонь-Карабахонь ёнксонть 1988 иень тунда; 1992 иень эйзюрковсто ульнесь кемекстазь Преднистровиянь сёвномась; 1992 иень чадыковосто ушодовсь Сараево ошонть куродовтомась ды аволь умок 2014 иень тунда ушодовсть ойнась Донбассо).
Викимедия ВикиТундо бажи вейсэндямс эрьва таркань олячинь содамо вийтнень пурнамова туртов ды шкинемань, историянь, коень-кирдань ды ломантнеде информациянь сравтомо эрьва ёнкссо. Те эряви эрьванть ловоманть ды превс саеманть туртов, весе мирсэ Куншкань ды Чилисемань Европань эйстэ олячинь содамонть эйстэ, ды сонзэ ламочинть покшолгавтомонзо.
Пелькстамось карми ютамо эйзюрковонь 21 чистэ саезь панжиковонь 31 чинть видс. Те шканть перть карми ютамо башка лопань пелькстамот, кемтяно, кармить невтезь весе Википедиятне те ёнкссонть ды сонзэ томбале, кармить кеместэ тееме одс ды покшолгавтомс теезь лопатнень эрьва кодамо категориятнесэ, истят кода история, шкинема, содавикс ломанть эрьва мастор-улицянь ёнкссто. Седе ламо лопатнеде вант лопатнень сёрмадовксонь утомсо.
Таркань пелькстамотне теевить эрьва таркасто теезь пурнавкстнэсэ, ды анокставить эсист ломаньсэ, кона лови таркань койть-кирдат тень коряс. Сюлмотнень мартост мусы сюлмолопасо. Кавто ютазь пелькстамотнесэ ульнесь невтезь тевсэ эсь мельсэ анокстыцятне эрьва-кодат пурнавксто педе-пес теилизь пелькстамонть каявксонть. Таркань пурнавкстнэ невтизь эсист масторонь Сёрмадовксонь утом лопатнень, конатнень сынст ули мелест неемс лия кельтнесэ. Витний-петнийтне лия мастортнэстэ теить од лопат эли поладыть теезтненень, конататнесэ лият топавтыть информация.
Ламо улицят, седе кенярксов! Кодак тундонь шкасто невтевить од масторт, таркасто анокстыцятненень кадови важодемс Сёрмадовксонь утом лопатнень лангсо – ды саемс седей петема!
Эрзянь кельсэ сёрмадыть «Эрзянь кельсэ Викимедиянь витнийть-ветийть» Пурнавксось (руз. Группа «Викимедийцы редакторы эрзянского языка», англ. Wikimedians of Erzya language User Group) теди васенцеде те пелькстамосонть.
Киде ды кодамо шкасто эряви сёрмадомс:
Эйзюрковонь 21 – 27 — т Сербия, Словакия, Мадьяр
Эйзюрковонь 28 чи – Чадыковонь 3 чи — Albania, Estonia
Чадыковонь 4 – 10 — Republic of Srpska, Austria, Russia
Чадыковонь 11 – 17 — Ukraine, Lithuania, Erzya
Чадыковонь 18 – 24 — Macedonia, Bulgaria, Hungary
Чадыковонь 25 чи – Панжиковонь 1 чи — Azerbaijan, Poland
Панжиковонь 2 – 8 — Greece, Belarus, Crimean Tatar
Панжиковонь 9 – 15 — Romania, Latvia, Kosovo
Панжиковонь 16 – 22 — Armenia, Bashkortostan
Панжиковонь 23 – 29— Georgia, Esperantujo, Turkey
Лездадо: Эрзянь Википедиянтень. Седе ламо пелькстамодонть ды котат лопат эряви сёрмадомс: ванодо тесэ.
ПЕТРЯНЬ АНДЮ
Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь
Комментировать