Шумбра чокшне,ялгат! Ванды ушодови конгрессэнь васенце чись. Течи Лахти ошсо пурнавсть финнэнь-угрань раськетнень од ломантне. Васенце чистэ эсенек ютксо кортынек весенде. Сась мель сёрмалемс ютыця кулятнеде.

А

штемковонь 14-це чи.
8.22 валске пачкодинек Лахти ошов, Scandic отелев. Ярсамодо мейле 13.10 молинек вастомо лия сыцятнень. Кавто карелэнь ломантне Олег Евграфов ды Наталья Ишкина оршасть пек мазыйстэ – весень сеске кепететсь ёжост…
Весень самодо мейле озынек, арсинек ванды чинть, ёвтынек учоманок конгрэссэнть эйстэ.

В

анды
Максозь программасонть карминек содамо эрьва раськень делегатнэде ды наблюдательтнеде. Теде башка ловнынек валт, конатне ламот кельтнесэ малав вейкеть.
Кортнематнеде мейле сыргинек ванномо конгрессэнь ютамо тарканть ды Лахти ошонь мазычитнень.
Сельмс прыть Финляндиянь, Эстониянь,Венгриянь президентнэнь кортамост. Россиянь пельде Александр Журавский – Россиянь культурань министранть полавтыцязо. Теде башка, кармить кортамо Финляндиянь образованиянь ды культурань министрась Санни Грахн-Лаасонен, Лахти ошонь мерэсь Юрки Мюллювирта.
Седе парсте весенть ёвтасы программась:
P.S.: Стувтыя фотоаппаратом, салсян лиятнень кедьстэ.

Учеваткин Сантяй
©Портал «Erzäks.ru»

Невтевкс налткенть эряви максомонзо,
зярдо саят тестэ сёрмадовкснэнь.