Эйкакшпингстэм мелезэм тукшнось Валентина Теличкина, киносо, театрасо актрисась. Налксицясь сон пек паро. Сонзэ лангс ванозь кемат тензэ. Мелезэм тукшнось чамазояк, мазый рунгозояк, чевте обуцязояк. Эйсэнзэ марявсь эрзянь авань сэтьме кор, ломанень мелень ванома, чевте седей..
Б
уелемсэнзэяк маряви ТЕЛЕ эрзянь валось: ТЕЛИчкина. Сонськак пачк теке ансяк сазь эрзянь телинекс. Сэтме, валдо. Антропологиянь коряскак чамазо, рунгозо Валентина Теличкинань тунь эрзянь авань. Нама, рузонь сёрмадыцятне сюлмить ТЕЛИЧКИН буелементь ТЕЛЯ, ТЕЛЁНОК валтнэнь марто. Мон теньс а кеман. Мекс? Сон чачсь Эрзянь Масторсо. Секскак вал юронть, койсэм, вешнемка васняяк эрзянь валтнэнь ютксто. Сехте малавикс валось эрзянь – ТЕЛЕ. Чачсь Валентина Якстере (Мазый) велесэ, Арзамассто аволь васоло.Чачома веледензэ муинь Интернетстэ вана мезе.
Красное — село в Арзамасском районе Нижегородской области. Расположено рядом с рекой Тёша, в 4,5 км к западу от районного центра города Арзамас.
Ловныя тень, ды сынь мельс: вана кинь чамастонзо эряви артомс Эрзямасонь Олёнань чаманзо. Эрзямасонь Олёнаяк чачсь Эрзянь Масторонь секеть таркатнесэ, косо Валнтина Теличкинаяк…
Эрюш Вежай
©Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать