Чадыковонь 16 чисте, неень шкань эрзянь эрямосонзо ютавтыть Эрзянь келень Чи, те чистэнть чачсь васенце эрзянь профессорось Анатолий Павлович Рябов. Косо эрить эрзятне ютавтовить вастовомат, ловнома чокшнеть, ломать пурнавить ды кортыть эрзянь кельсэ. Петра ошось эйстэст а мени. Кода юты Эрзянь келень Чись ловнодо седе тов.
Э
рзятне ды эрзянь раськень ялгатне тердевить вастомав, коната алтави Эрзянь келень Чинтень.
Вастомась ушодови чадыковонь 16-це чистэнть, 14 чассто Петра ошсо, Крупскоень лемсэ кудосонть, «Фолиант» кафесэнть (просп. Обуховской Обороны, 105 кудо).
В
астоманть ютавтома лувось:
1. Ламбамо прякине марто чайведьте симема.
2. Эрзянь келень Чиденть ды эрзянь тевде кортнема.
3. Ютазь иесь ды икелев мельть-арсемат «Эле» Петра ошонь ды Ленинградонь ёнксонь эрзянь ломанень вейсэндявксонтень.
4. Пурнавкс «Эрзянь кельсэ Викимедиянь витнийть-ветийть» (арсема мельть ды тевть 2017 иентень).
5. «Эрзянь ойме-2017» Казнеденть ёвтнема.
6. Лия.
Сюлмавксонь тешкстнэ: +7921 151 00 35.
Петра ошонь ды Ленинградонь ёнксонь
эрзянь ломанень вейсэндявксось «Эле»,
«Руця» эрзянь Лезэпаргось.
Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать