«Сятко» ковставксось свал мельспаросо вастневи эрзянь келень тонавтыцятнень марто. Неть ломантне кастыть миненек од ловныцят, од сёрмадыцят. Тедеде истямо вастовомась ютась Саран ошонь А.П. Гайдар лемсэ эйкакшонь библиотекасонть.
рзянь ды мокшонь кельтнень тонавтыцятнень пурнынзе Вельмякина Мария Михайловна, кона кирди мартост кеме сюлмавкст.
рзянь сёрмадыцятнень пельде тердезельть Геннадий Гребенцов, Людмила Рябова, Алина Подгорнова ды Татьяна Мокшанова. Мокшонь кельсэ мазый валморот ловнось Марина Агеева. Весень мелест кастынзе-кепетстинзе МР-нь заслуженной артисткась Любовь Князькова, кона морась морот эрзянь ды мокшонь кельтнесэ.
езесь кенярдовты, тонавтыцятне сынськак варчнить виест сёрмадома тевсэнть. Те вастовомасонть эрзянь кельсэ эсест валморост ловнызь Лемайкина О. В. (18-це школа), Осипова Г. А. (32-це школа), Осяева Л. Д. (5-це школа), Шведкова Е. Н. (27-це школа), Силантьева Н. Д. (Озёрноень школа). Л. М. Косынкина (25-це школа) ловнызе эсензэ тонавтницянзо Трофимова Настянь валморонзо, конань тейтернесь алтызе тиринь масторонстэнь. Лия тонавтыцятне кочкасть ловномс эрзянь содавикс сёрмадеень валморот: О.С. Калугина (Зыковань школа) ловнызе М. Втулкинэнь «Портфель» валморонть, С.А. Галалаева (39-це школа) — Н. Ишуткинэнь «Сёксень рузт» валморонть, М.Н. Сураева (11-це школа) — Н. Ишуткинэнь «Ломанесь ды келесь» валморонть, Н.А. Варакина — И. Шумилкинэнь «Вецана роман» валморонть. Эряви тешкстамс, сынь аволь ансяк паро тонавтыцят, алкуксонь артистткак.
льнесть тонавтыцятнень ютксо «Сятконть» умонь ялганзояк Марина Слугина (Агафонова), кона ней тонавты эйкакшт Саран ошонь 3-це школасо, ды Зинёронь Сантяй (Александр Данильчев), 26-це школань эрзянь келень тонавтыцясь. Марина ловнось эсензэ ды А. Араповонь валморот. Сантяй кенярдстымизь И. Шумилкинэнь валморосо, теде башка, ловнызе Г. Гребенцовонь «Эрьзянень» валморонть.
В
астовомась лиссь лембе ды кенярксов. Кемтяно, те паро коесь поладови. Ёвтатано сюкпря весенень, кие явсь мель ды путсь вий сонзэ анокстамонтень.
Сятко
ПОДГОРНОВАНЬ АЛИНА
«Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать