«Сятко» ковставксось 2017 иень чадыковонь 22 чисьэ пачколесь Пенза ёнксонь Пазёлго велев, косо сисемецеде ютавтовсь Эрзянь келень чись.

Моры «Чевгелинась». Мельспаро!

Т

едеде сон алтазель Михаил Девятаевень чачома чистэнзэ 100 иетнень топодемантень.

Школань музеесь вансты раськенек эрямопингедензэ содамочитнень. Экскурсиянть ютавтыть сынсь тонавтницятне.

Эйкакштне ловность А. Шароновонь «Масторавасто», В.И. Радин-Аловскоень «Рангилей» поэмастонзо саевкст ды эрзянь лия сёрмадыцянь валморот, мезень кисэ тенст максозельть шнамо конёвт ды казнеть.

Миша Воложанин, пелькстыцятнестэ сехте вишкинесь, ловнызе «Пелиця катка» валмором. Цёрынесь руз, тетянзо-аванзояк рузт, ялатеке явить мель эрзянь келентень, мезесь пек кенярдовты.

В

есе пуромозетнень ёжост седеяк пек кастызь-кепедстизь «Чевгелина» ды «Эрзянка» ансамблятне.

А.Ф. Борисов а вансты а виензэ, а шканзо — касты ломантнень оймесэ тиринсентень вечкеманть.

Пазёлгосо ютавтневиця те паро коенть ушодызе Александр Фёдорович Борисов, Пенза ёнксонь Эрзянь-мокшонь раськетнень культурань автономиянь правленияс совицясь. Пек лездыть тензэ Никитина Галина Викторовна, Пазёлгонь школань прявтось, тосонь тонавтыцятне, тонавтницятне ды сынст тетяст-аваст. Те тевентень покш мель явить велень ды буень администрациянь прявттнэяк. Ней тосонь эрицятне покш кемема марто учить, зярдо школасост, окойники, карми тонавтовомо эрзянь келесь.

«Эрзянка» ансамблясь.

С

аран ошсто Пазёлгов, содазь, аволь чавонь кедть — мазый ды пек эрявикс книга марто, — пачколесть учневикс инжеть: Лузгин А.С., Чекушова Т.Т., Баргова Т.С., Мокшанова Т.П., Налдеева О.И. ды зярыя морыцят.

9-це классонь тонавтницятне невтсть налксема «Мазый Дамай».

В

астовомась ютась лембестэ ды лезэвстэ. Кемтяно, Пенза ёнксонь эрицятнень ойметолост зярдояк а лепами ды сыремтьсынзе весе лиятненьгак чачома келест ды раськест лезэс важодеме.

Сятко
РЯБОВА  ЛЮДМИЛА
«Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.