2016 иесь – Россиянь Кинонь ие
Саранскойсэ яволявтозь «Калина красная» художественной ловномань конкурс. Сон алтави Василий Шукшинэнь ледстнемга. Фестивалентень тердевить школань покш классо тонавтницятне ды васенце курсонь студенттнэ.
М
езе эряви теемс? Эряви ловномс Василий Шукшинэнь колмо ёвтнематнестэ вейкенть, снимамс тень видеос. Мейле конкурсонь сайтсэ сёрмадомс анкета, ёвтамс видеонть лангс ссылканть. Ловномс мереви истят ёвтнематнень: «Сапожки», «Ваня, ты как здесь?!» ды «Как мужик переправлял через реку волка, козу и капусту». Яволявтоманть мереви кучомс мартонь 30-це чинть самс.
Пелькстамонь жюрисэ Россиянь народной артистэсь Сергей Никоненко ды Россиянь заслуженной артисткась Мария Шукшина. Сынь кочкить 10 полуфиналистт, конатнень ютксто мейле яволявтсызь изницянть. Полуфиналисттнэ казевить В.Шукшинэнь книгасо, косо кармить писателенть семиянзо ды ялганзо автографтне. Эрьва региононть пельде изницясь тердеви писателенть ледстнемга творческой чокшнентень.
Саранскойде башка, конкурсось юты Московсо, Санкт-Петербургсо ды Барнаулсо.
Эрзянь правда-сто саезь
©Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать