Течи, 2016 иень ожоковонь 20-це чистэ Саранск ошсо ушодовсь од сёрмадыцянь семинар. Сонзэ эрьва ие ютавты Сёрмадеень пурнавксось. Сон важоди колмо секциява: эрзянь, мокшонь ды рузонь.
Э
рзянсентень тедеде тердезельть кеветее ломанть, ансяк савсть весемезэ вете. Кавтотнень эйстэст эрзянь литературань вечкицятне парсте содасызь: В. Картышкин ды Ю. Мамаева. Колмоцесь — С. Фадейкина — Дубёнкань буень Поводелень библиотекасо важодицясь. Сон меляткак сакшнось семинарс, конадонть мейле седеяк кассь мелезэ сёрмадомс эрзякс.
Кавто од сёрмадыцят тукшнось Дубёнкань буень Кобале велень эрзянь келень тонавтыцясь Н.В. Чугунова: А. Аристовань ды Е. Грызуновань. Тейтерькатне васенцеде семинарсольть, секскак виздсть. Весе минь паро мельсэ кунсолынек сынст, ёвтынек сёрмадовксост коряс меленек, невтинек муевксэст ды асатыксэст лангс.
Бути сынь кармить эрзякс ламо ловномо, шкань ютазь ёрокчист касы В. Картышкинэнсенть ды Ю.Мамаевансенть видьс. Те шкас сынь, арсетяно, пачкодить сёрмадомань седеяк сэрей тёкшос.
Икелев, эрзянь литературань кирдицят!
Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать