2017 иень ацамковонь 21-це чисте юты «Сырнень човалят» валксонть одс нолдавксонть коряс вастовома-кортама.
Ве
се садо!
14. 30 чассто А.С.Пушкин лемсэ Национальной библиотекасо карми ютамо Нуянь Видязонь (Е.В. Четверговонь) «Сырнень човалят» валксонзо презентация. Инжетнень туртов анокстазь моронь аволь покшке программа. Морамо кармить МАССР-нь Заслуженной артисткась Мария Матезиус, од морыцясь Артём Мамаев ды М.Е.Евсевьев лемсэ МГПИ-нь студенттнэ.
Презентациядонть мейле карми микшневеме «Сырнень човалят» валксось.
Эйсэнзэ совавтозь эрзянь ламо кезэрень, стувтовозь валт, конатнень а вастсыть лия валкстнэстэ. Теде башка, «Сырнень човалятне» явовить лиятнеде сеньсэ, мекс эрзянь валтнэ рузокс ютавтовксост марто максовить эйсэнзэ темань-алфавитэнь лувонть коряс. Мертяно, эряви муемс нармунень лем. Тень туртов панжома «Пертьпельксэсь» кувтасонть «Нармунть» пельксэнть, ды тосто муеви эрявикс валось.
2017-це иень васенце пельксстэнть те валксось нолдави одс. Ды лиси сон седеяк покшолгавтозь, келейгавтозь. Нолдамс сонзэ арсеви сёрмадстозь ладсо. Эрьвантень, кинень эряви лезэв те книгась, икелепелев ёвтама рамамодонзо эсь меленть. Тень туртов сюлмавома сонзэ пурыцянзо, Е.В. Четвергов марто.
Ки
нь ули мелесь рамаманзо валксонть, сёрмадодо: Республика Мордовия, г. Саранск, ул. Металлургов, д. 8, кв. 97. Нуянь Видязнэнь. Гайневтенде: 8 927 979 46 04. факс: 24-28-65. Кучодо, вешема те e-паргонтень: erzia@moris.ru
«Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать