2016 иень ацамковонь 7-це чистэ саезь 9-це чинть видс Россиянь викиссёрмадыйтне, конататнень ютксо улить эрзяткак, ардыть «Россиянь Пиже-кшнинь прявтош» («Медная столица России») вики-экспедицияс Верце Пышма ошов (Свердловонь ёнкс). Тосо содавтовить сех покш кшнисэважодема таркатнень, ды сынст вейсэндянь ды тонавтома проектнэнь марто.
«В
икимедиа РУ» яволявтсь «Россиянь пиже-кшнинь прявтош» вики-экспедициянть — Верце Пышма ошов — кона Екатеринбургонь ош-ки лангонь ялга. Ардоманть вейсэ анокстыцякс кармась Уралонь пандонь-кшнинь компаниясь.
2016 иень ацамковонь 7-це чистэ саезь 9-це чинть видс Россиянь викиссёрмадыйтнэ содавтовить сех покш кшнисэважодема таркатнень, ды сынст вейсэндянь ды тонавтома проекттнэнь марто. Сынь молить УГМК-нь таштомкудос-музейсь ды ойнань «Боевая слава Урала» ойнань станкстонь таштомкудонтень.
Экспедициясонть арсить пурнамо ды тееме сёрмадовкс Википедиясо, Викиутомонть пештявтомо олячинь коряс медиа-кувсо; вики-вейсэндямодонть кортамот ды эйстэдензэ сравтомат, тонавтомс ломантнень, кинь ули мелезэ лездамс не тевтнесэ.
Литвиновонь Николай НП «Викимедиа РУ» совицясь тешкстызэть: «таштомкудотнесэ улить пек ламо материалт ошонть ды ёнксонть эйстэ, кода тесэ ушодовсь ды кармась касомо кшниньтеемась ды лия Россиянь экономикань пелькстнэ. Сынст весе эряви ванстомс, сёрмалемс-ловомс ды путомс Викимедиянь проекттнэнень.»
Сонзэ валонзо коряс, покш важодематаркатнень прявтнэнь автезевемась, олячис информациянть нолдамось — те покш тев. Вики-пурнавксонть марто важодемась максы ламо тёжань ломантненень олячинь коряс сёрмадовкст, фотокувт ды лия материалт, конатнень эрьвась мусызь Викимедиянь пелькстнэсэ.
Истя жо, Литвиновось тердсь лиятненьгак паро мельсэ саемс ды ютавтомс се эрямотевенть мезэс сась Уралонь пандонь-кшнинь компаниясь Викимедиянь марто.
Верце Пышма ошов молемась карми колмоце россиянь вики-экспедициякс. Тов пурнавить аволь ансяк рузонь кельсэ сёрмадыцятне: башкирэнь ды эрзянь википедиястояк. Икеле Викимедиянь проектнэнь улицятне якасть Калугав, ды Олодимерэв Суздаль оштнень марто.
ПЕТРЯНЬ АНДЮ
«Wikikulät»
«Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать