Кода минь икеле сёрмадынек «Руця» эрзянь Лезэпаргось ютавты эрзянь ломантнень ютксо арсема сёрмадовксонь пелькстамо: «Степан Эрьзя. Мейсэ сонзэ питнезэ эрзянь раськенть туртов?». Ловнодо Римма Жегалинань пельде кучовксозо.
М
ОДАНЬ ЛОМАНТНЕНЬ МАЗЫЧИСТ ТОН НЕВТИ.
ЭРЗЯНЬ РАСЬКЕНТЬ ЛЕМЕНЗЭ КЕПЕДИК.
ИНЕ ЭРЬЗЯ, СОН ТЕТЬ МОДАС СЮКОНИ.
ОД ШКАНЬ ЭРЗЯТНЕ ТЕТЬ СЮКПРЯ ЁВТЫТЬ!
Д
ы вана монь ютавтовксом рузонь кельстэ Ламбина Светланань валморозо:
ЭРЬЗЯ, КОНАСЬ ЭРЗЯНЬ ЛЕМСЭ
( эрзякс ютавтызе Р.Жегалина)
Эрьзя, конась эрзянь лемсэ?
Истятнэсэ ломанькс ловить?
Сонзэ ули ёрокчизэ?
Тевензэ ваномс маштовить?
А видеть истят вановкстнэ.
Вачочиденть сон сэреди,
Якшамось сэви эйсэнзэ…
Сон жо тейсынзе «эйдензэ»!
Зяро кавтолдомат, кажот!
Видечись пелькстамсто лиси.
Эрьзянь корось чови мрамор,
Видестэ, мазыйстэ чови.
Аргентинань кеме чувтось
Покш уцяска сон Эрьзянень.
Квебрачось ды альгорробось
Ульнесть тензэ — Пазонь казнекс.
Эрьзя пек вечксы раськензэ.
Стакачитнень сон изнинзе.
Уцясканзо–теевксэнзэ
Тиринь масторнэнь казинзе!
«Руця» Лезэпаргось, тевветиезэ Эрюш Вежай.
Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать