Саранск ошонь округонь 4-це № лицеень тонавтницянть Эдуард Кимень роботазо совась «Развитие и сохранение национальных языков в культурном пространстве» Регионъютконь научно-практической II конференциянь ды РФ-нь раськень кельтнесэ школьниктнень ловноматнень сехте вадрятнень юткс.
М
ероприятиясь мольсь Татарстансо. Эсь научной руководителензэ Александр Учеваткинэнь марто, конась лицейсэ тонавты эрзянь кель, 11-це классо тонавтницясь тонавтнинзе эрзянь фамилиятнень этимологиянь башка ёнкстнэнь.
Тедеде научно-практической конференциянтень кучозельть 600 ламо важодевкст, финалс пачкодсть 94. Ды ансяк 50 сехте вадря докладтнэ совасть конференциянь материалонь вейспурнавксонтень.
Эйкакштне ванкшность эрьва кодат темат, конатне сюлмавозь Равчирень федеральной округсо эриця раськетнень ютксо ояксчинть марто. Докладтнэ ловновсть рузонь, татаронь, чувашонь, маринь, удмуртонь, эрзянь, башкирэнь кельтнесэ.
Эрзянь Правда-сто саезь ©Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать