Кода минь икеле сёрмадынек, 2017 иень аштемковонь 4 чистэ Бессоновонь буень Пенза ёнкссо, Пазялго эрзянь велесэ ютась «Покш Эрзянь Чи».
А
нокстыцякс кармасть Пязялго веленть эрицятне, конатненень лездасть «Ялгат» Пенза ошонь Эрзянь-мокшонь Раскень шкинемань вейсэндявкс.
В
елень куншка кужосо пурнавсть малав тёжа ломанть. Ламотне эйстэст ульнесть Пазялгонь эрицятне, ламот эйстэст эрить ней Пенза ошсо. Ламо инжеть ульнесть Вышелей, Чемодановка, Селикса, Сосновка, Васильевка велетнестэ. Истяжо Шемышейбуень, Городищань, Пензань буетнесть, Мордовиясто ды Ульянонь ёнкссто.
К
ода тешкстызе «Ялгат» Пенза ошонь Эрзянь-мокшонь Раскень шкинемань вейсэндявксонть прявтонть полавтыцязо Николай Стенькин:
«Покш эрзянь чись» утась вадрясто. Сонзэ смустезэ эрзянь раськенть шкинемань ванстомазо ды сонзэ вечкеманзо, содавтовомс од ломантнень тиринь ундокснэнень ды эрзянь раськенть ютазь шканть вечкеманть марто. «Покш эрзянь чись» Пазялго веленть туртов канды пек покш смусте, ды канды коень, шкинемань ды содамочи эрзянь раськеденть.
Н
еень шкасто «Покш эрзянь чись» ютась вейксэцеде, сонзэ умонь чачомазо. Кода ледстнить велень эрицятне, истят покшчитне ютавтовильть Пазялгосо юмонь шкасто, революциядонть икеле.
Пазялго велесь кезэрень, ульнесь путозь-стявтозь 1689 иеленть икеле. Васенце лемесь ульнесь – Мурзы. Ашти Пазялго лей лангсо, кона тееви кавто эрзянь валсто: «паз» ды «эрьке» ды тесэ икеле ютавтнесть озкст. Пазялго велесь, кода Вышелей, Лопуховка, Юлово Пенза ёнксонь Бессоновонь буева, ды тесэ эрить эрзят.
В
елень эрицятне мельспаросо кадовсть покшчинть кувалма. «Эрзянка» морамо кужонть морыцясь Ульяна Новикова сёрмадсть:
Пазялгосо ютась Покш Эрзянь Чись. Сюкпря весенень мельспаронь каштанчинть кисэ ды морамс сцена лангсо. Ульнинь мельспаросо, мон маринь «Торамань» морыцятнень. Сынст седямонть кунсолозь тон уезь туят эсь потмо-мирэ. Мерянь весе морыцятненень сюкпря, сынст вадря невтемаст кис.
ПЕТРЯНЬ АНДЮ
Портал «Erzäks.ru»
Невтевкс налткенть эряви максомонзо,
зярдо саят тестэ сёрмадовкснэнь.
Комментировать