Кода минь сёрмалинек, 2016 иень сундерьковонь 5-це чистэ Петра ошсо ютась шкинемань чокшне «Степан Эрьзянь Ледстнема Чи». Вастовомась алтазь 140 иень эрзянь Инекерсицянть чачома чистэнзэ.
Вастовомась ютась Раськень литературань ловномакудосо. Чокшненть анокстыцяст кармасть Петра ошонь ды Ленинградонь ёнксонь эрзянь ломанень вейсэндявкс «Эле» ды Суоми-Угрань Раськетнень Одломанень Вейсэндявксось (МАФУН). Информациянь вейслезтеиекс теевсь «Erzäks.ru» интернет вальма-порталось.
• «Эрзянь авань чамаёнксось Степан Эрьзянь шкинемасонзо ды эрзянь седямо-валморонь раськень коесь» (руз. «Образ эрзянской женщины в творчестве С. Эрьзи и эрзянской музыкально-поэтической народной системе» — obraz-erzyanskoj-zgenshiny-serzia_ln_shamova)). кортыцясь — Лилия Шамова (cv_shamova-ln), искусстань-ветиень кандидат, тонавтыця ды сех покш квалификациянь категориянь концертмейстер, Россиянь Этнографиянь музеенть наукань важодиця.
• эрзянь ломантнень ютксо арсема сёрмадовксонь пелькстамо: «Степан Эрьзя. Мейсэ сонзэ питнезэ эрзянь раськенть туртов?» ютавтомась. Теицязо «Руця» эрзянь Лезэпаргось. Эрзянь ды рузонь кельсэ ловномась.
• Эрзянь 2017 иень ковкерьксэнть невтеманзо. Сон алтазь Степан Эрьзянень.
• Куксовонь Денис артыесь невтизе эсинзэ од теевксэнзэ, кона альтазь Степан Эрьзянень Инекерсицянть.
Кода ютась вастовомась ванодо тесэ.
Андю Петрянь
«Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать