2015 иень сундерьковонь сисемце чистэнть Полярной ошсо, Мурман ёнкс карми ютавтовомо «Лемень кундамо» эрзянь эриванмонть невтелмазо. Невтелмась юты раськеютконь «Лаймеинзеень мастор» («Морошковый край») покшчистэнть, лия раськетнень невтемаст ютксо.
Теке покшчистэнть карми невтевеме
«Э
рзянь раскенть валдозо» ванмонь невтемась, конань теизе ды кучизе Пелевеёнксов Аношонь Тумай Эрзянь музеень прявтось.
Невтелманть ютавтомсто лецтяви Фёдор Видяевень эрзянь цёранть лемезэяк. Сон эрясь Полярнойсэ, ульнесь ведьалгань ушмовенчень прявтокс ды максызе эрямонзо омбоце торпингенть шкасто. Ушмовенчесь 1944 иестэ эзь велявто мекев иневедьстэ.
Пелевеёнкссо эриця эрзятне истя токавить тиринь эрзянь культуранть марто, конань ванстыть ды лецтнить Эрзянь Масторсто васоло эрямсто.
Видестэ сёрмадсь эсь валморосонзо Таганов Дмитрий:
Э
рзянь Масторось тосо, косо течи тонь седееть чави!».
Ледстясынек, неть эрзянь тевтнень ютавтсынзе «Руця» эрзянь Лезэпаргось ды Полярной ошсо эриця эрзятне.
Эрюш Вежай, «Руця» лезэпаргонть ветиезэ.
©«Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать