2018 иень ожоковонь 17 чистэ 20 чис «Азор» эрзянь эрямартонть васенце невтемась карми Суоми Масторсо.
евтематне:
Ожоковонь 17 чи (куншкачи), 17:00 — Пори ошонь ловномакудо (Porin kaupunginkirjasto), питневтеме совамось.
Ожоковонь 18 чи (калоньчи), 16:30* — Тампере ош, Ниагара эрямаронь куншкатарка (Tampere, elokuvakeskus Niagara), невтеманть питнесь 6 €
Ожоковонь 19 чи (сюконьчи), 16:00* — Кеми Культурань куншкатарка (Kemin kulttuurikeskus)
Ожоковонь 19 чи (пятница), 18:00 — Куопио, Кувакукко (Kuopio, Kuvakukko)
Ожоковонь 20 чи (суббота), 12:00-18:00* — Хельсинки, Энгель Эрямарт (Helsinki, Kino Engel). Суоми-угрань эрямартонь Чи (Suomalais-ugrilaisten elokuvien päivä)
Ожоковонь 20 чи (суббота), 16:00 — Оулу, Студия (Oulu, Studio)
Кой-кона невтематнесэ карми сценариеньсёрмадыесь, Азоронь налксицясь Учеватонь Сантяй (* башка тештазь).
«А
зор» эрямартось – валдосто невтезь эсьтевс вечкемась ды кемемась, кавто ломанть Бакич Видяй ды Учеватонь Сантяй перькас пурнасть лездыцят, ды теизь тевенть. Эрямартось ульнесь снимазь эсьярмаксо, аламо ярмакт ульнесь пурназь максыцятнень эйстэ. 2018 иень умарьковонь 6-це чистэ Россиянь культурань Министерствась макссь невтемань конёв (прокатной удостоверения) «Азор» эрзянь васенце фильмантень.
Суоминь келтсэ эрямартнень невтематне Суомиссэ ульнесь теезь Финляндиянь Тонавтнемань ды культурань Министерствань ярмаконь-грантонть вельде Sugrifest 2018 проектсэнт. Ожоковонь невтематне – те вейке пелькске Суоми-угрань раськетнень Читнень покшчисэнть.
ПЕТРЯНЬ АНДЮ
Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь
Последние комментарии