Эстэнь Масторсо, Сетома ёнкссо прядыдеть важодеме 2-це суоминь-угрань семинарось. Сонзэ пурныцязо Эстэнь масторонь Wikimedia совицятне. Умарьковонь 1–4 це читнестэ комседе седе ламо викиньсёрмадейть Суоминь, Эстэнь ды Россиянь мастортнэстэ вешнесть арсемат кода седе куроксто вейсэ покшолгавтомс википедиятьнень суоми-угрань кельсэ. Семинаронть прядома конёвось истямо:
- седе келейстэ ды вейсэ важодемс тёшкшколатнэнь марто – тосо тонавтыть келень содыйтнень, ды од лометнэ седе бажить сёрмадомо.
- теемс эрьва эрямо таркасонть (косо эрить суоми-угрань раськетьне: Мордовиясо, Карелиясо, Марий-Элсэ, Удмуртиясо ды седе тов) тонавтницятнень марто, ды лия ломантнень марто семинарт, пурнавкс. Невтемензэ википедиянть мазычинзэ ды олячинзэ. Тонавтомс кода сонзэ сёрмадомс.
Эрзянь Википедиянь теицятнень эйстэ семинарсонть ульнесть: Петрянь Андю (эрзянь пельксэнть теицязо-модератор), Денис Кафтаев (википедиянь теиця), ды Ежевика Спиркина («Ойме» седямо-морамо кужонть пурныцязо-ветицязо). Весе пурнавкшнозь ломантне кадсть лембе валт, ды тешкст эрзянь википедияньте эсист тиринь кельсэ (седе ламо ванодо фотокувсонть):
- удмуртне сёрмадсть «Эрзяос, азьлань! Сутэ милемизь!» — «Эрзят икелев! Сасамизь минек»
- карелтнэ сёрмадсть: «Erän Wikipedieh 1 million kirjutustu! t.wiki/olo» — «Эрзянь Википедияньте 1 миллион сэрмадовкст! t.wiki/olo»
- эстэтнэ сёрмадсть: «Soovime edu ersa Vikipeediale! Sven-Erik, WMEE» — «Желаем успехов в Википедии Erza! Свер-Эрик, Wikimedia пурнавксонть Эстэнь Масторсо прявт».
Неень шкасто википедиясонть эрзянь кельсэ 2246 сёрмадовкст. Лездак, эрзя, тоньгак эсеть пельде, совак алтыманть вельде: https://myv.wikipedia.org ды сёрмадт мезе арась тиринь веледеть, содавикс ломанде, эли велень-ошонь таркатнеде.
Комментировать