С.Я.Маршак лемсэ 5 № эйкакшонь библиотекасонть «Вастома» клубонь аштемтарканть юрсо ютавтозь «Созвездие молодых литераторов Мордовии» мероприятиясь. Эйкакштнень марто вастовкшность од поэтессатне Татьяна Мокшанова ды Юлия Мамаева.
О
д автортнэ ёвтнесть, кода ушодсть сёрмадомо, эсь творческой аравтлувдост, ловность эсест стихест рузонь ды эрзянь кельсэ. Татьяна Мокшанова – «Эрьгекерькс» стихотворениянь вейспурнавксонь авторось, эйкакштнень теинзе содавиксэкс «Чилисема» журналонь од номерэнть марто, косо сон важоди. Сон тердинзе эйкакштнень кучнемс редакцияв эсь стихест, ёвтнемаст, артовксост ды казсь эрьвантень «Чилисема».
Те вастовомась пек тусь эйкакштнень мельс. Сынь инжетненень макснесть ламо кевкстемат, сайсть автографт, ловность эсест стихест.
Кода тешкстызь библиотекасонть, Литературань иенть юрсо «Вастома» клубсонть эйкакштне вастовкшность уш Мордовиянь ламо литератортнэнь марто. Клубонть инжекс ульнесть: Н.Ишуткин, Н.Тремасов, Н.Лунин, Маризь Кемаль, Н.Рузанкина, Г.Гребенцов ды лият.
Эрзянь Правда-сто саезь ©Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать