МР-нь Писателень союзонь правлениянть ушодксонзо коряс ютавтозель семинар, ков сакшность сетне, кить эсь виест варчнить литературань произведениянь – ёвтнемань, стихень, очеркень сёрмадомасо. Ютксост – вузонь студентт, школасо тонавтницят ды лият.
урнавозтненень (пленарной промксось ютавтозель Печатень кудонь актовой залсо) поздоровт ды лембе валт ёвтась МР-нь Печатень министрась В.В.Маресьев. Седе, кодат книгатне тонавтыть тиринь ёнксонть, пертьпельксэнть вечкеме, мезе максыть семинартнэ, эрзя-мокшонь сёрмадейтнеде, кинь книгаст совасть мокшэрзянь литературань сырнень фондс – теде ды лиядо эсь докладсонзо ёвтнесь МР-нь Писателень союзонь правлениянь председателесь А.М.Доронин.
Мейле од сёрмадеень семинаров сыцятне важодсть секциява. Эйстэст ульнесть зярыя: рузонь прозась, ветицятне: Н.Я.Тремасов ды А.А.Бажанов; рузонь поэзиясь – А.А.Громыхин ды Н.С.Рузанкина; мокшонь прозась ды поэзиясь, ветицятне: В.М.Лобанов ды Ф.П.Матюшкин; эрзянь прозась ды поэзиясь – Т.В.Разгуляева ды Н.И.Ишуткин.
Эрзянь Правда-сто саезь ©Портал «Erzäks.ru»
П.Зинов
Фотокувтне Э.Ретунскоень
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать