Кода икеле сёрмадсь «Erzäks.ru» порталось Суоминь Лахти ошсо важоди VII Весемасторонь суоминь-угрань Инекужось. Мезе ульнесь меельце чистэнть ёвтни Учеваткин Сантяй.
А
штемковонь 17-це чись поладовсь важодемась курова. Монень савсь улемс омбоцесэнть. Кортамось мольсь финнэнь-угрань раськетнень сайтнэде, газетатнеде. Эстониянь кулянь сёрмадейтне кортасть сето раськеде, конатне ветить радио, газетат, телевидения (сынденст 12 000!!!). Пек вечкевсь сынст темалувост: Эстониянь пельде сынь вешить лезэ газетань нолдамс. Секскак сетонь велетнесэ эрицятненень эрьва кудос стякодо путови сетонь кельсэ газета.Бути ломанесь теи сермадстома, сонензэ максови журналгак. Лиси, сетось эрьва тарго (недля) кирди-ловны эсь кедьсэ тиринь газета.Вечкевсь те арсемась!
икуншкане ушодовсь Конгрессэнь пекстамось. Сцена лангсо ёвтызь кочказь Консультативень комитетэнь прявтонть: В.Марковонь (коми) полавтызе Татьяна Клеерова (карелава). Седе тов вал сайсь Финляндиянь Парламентэнь прявтось сайсь вал, косо тешкстызе вейсэнь тевенек. Теке марто ёвтась, кодат ильведькст нолдась Финляндия вишка раськетнень марто важодемстэ (саамитнень коряс).
Мейле яволвтсть: VII Весемасторонь финнэнь-угрань раськетнень Инекужось карми ютами Эстониянь Тарту ошсо 2020 иестэ. Эстониясто ульнесь морамонь казне. Конгрессэнь ломантне ютыть ярсамо. Весе прядовома лангсо.
Вастомазонок Инекужо! Шумбрачи, эрзянь мастор!
Учеваткин Сантяй
©Портал «Erzäks.ru»
Невтевкс налткенть эряви максомонзо,
зярдо саят тестэ сёрмадовкснэнь.
Последние комментарии