Таллинн ошсо, ожоковонь 5 чистэ ушодовсть невтема «Раськень шкинема – суоми-угрань раськетнень оймесь» («Kangastesse, mustritessw soome-ugri rahvad koovad oma hinge»). Сон алтазь Малавиксэнь суоми-угрань раськень Чинтень.
Удмуртонь, эстэнь, эрзянь, коминь ды маринь раськетнень оршамопелест, кедьсэ теевкст, мазылгавкст, конёвпусмот.
Удмуртонь содавикс артыцянть Антиповонь Станиславонь артовксонзо, ды Сааремяэнь Кристинань од коминь артыцянть важодемаст.
Невтевкесь юты Таллиннэнь кушкань ловномакудонть омбомасторонь литературань пельксэнть ды прядсы важодеманзо 2015 иень ожоковонь 31 чистэ. Садо Лийвалайа курось, 40 кудось.
Теицятне: АРТЕ удмуртонь артыцянь вейсэндявксось ды Коми пурнавксось. Сюлмавты невтевксэнть Эстэнь суоми-угрань раськетнень вейсэндявксось (Абросимовань Наталя прявтозо).
«Erzäks» порталсось ледсти, 2001 иестэ Эстэнь парламентэсь яволявтызе Малавиксэнь суоми-угрань раськень Чинть (ожоковонь колмоце шлямочись) прявт масторонть Покшчис. 2013 иестэ Мадьяронь Масторсо те чись кармась покшчисэкс.
1991 иестэ саезь Малавиксэнь суоми-угрань раськень Чинть Эсэнь Масторсто кармась НПО «Учреждение Фенно-Угриа».
©«Erzäks.ru» порталось.
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать