Ялгат! Ледстятано тенк «Сятко» журналонть лангс сёрмадстомадо. Интернетсэ эрзянь куротнеде аволь аламо, тиринь кельсэ истямо журналось — ськамонзо.
Т
иражозояк аволь тёжат: журналонть эрямга эряви пурнамс 600 экземплярт. Эрзятнеде зярс котосядто ламо.
Ламот кортыть келень ды культурань ванстомадо. Ансяк косо сынь кармить улеме, бути ёми «Сяткось?». Течи сон, секень вант, ашти отьма велькссэ, ды отьманть потмакссто пуви кельмедеяк кельме варма. Арась мелесь мейгенерть ливтямс алов, ансяк сынсь эрзятне аламонь-аламонь тулкадить сонзэ тов.
Паряк, шка сась лепамомс эрзянь литературантень? Паряк, беряньстэ сёрмадыть течинь шкиницятне? Мейсэ тевесь? Секень вант, курок сыргатано рузонь ломантнень ланга, энялдозь: «Лездадо тенек эрямс, эрзятненень минь а эрявтано». А содатано, кинень-кода, миненек карми улеме визькс. А тыненк?
Лангозонк кемиця «Сятко» журналось.
«С
ятко» — те литературань-художественной ды вейсэнь-политикань журнал-ковставкось лисни 1929-це иестэ. Сёрмадовксонзо лиснить эрзянь кельсэ.
Кода сюлмавомс редакциянть марто: +7 (8342)47-05-45 sytko@mail.ru, vk.com/club78443596
АЛИНА ПОДГОРНОВА
«Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать