Михаил Седойкин — «Сёрма аванень» морось
СЁРМА АВАНЕНЬ
(С.Есенинэнь коряс)
1. Шумбрачи, тиринь сыре авинем!
Лембе сёрма кучан течи теть.
Кадык вельтясы ташто кудынеть
Сияждыця валдосо чокшнесь.
Сёрмадсть тень, келя, талномань кекшезь,
Пек монь мельга мелявтат-ризнат.
Ды вастомон ташто оршамнесэ
Сеедьстэ ки лангонтень лиснят.
2. Сан кудов, зярдо чувтнэ пиресэ
Ашо човсо вельтявить тунда.
Ансяк тон, авай, таркан чиресэ
Валске рана монь иля пувта.
Озномо иля тонавто эйсэнь —
Шкась ютась, а велявты ней сон.
Вечкицям, лездыцям, чарькодицям
Мастор лангсо, авай, ансяк тон.
3. Кадык ёмить тонь мелявксот весе!
Иля ризнэ, пек энялдан мон.
Ды ки лангов ташто оршамнесэ
Иля чийне, авай, вастомон.
Тон эряк, эряк, сыре авинем,
Лембе сёрма кучан течи теть.
Кадык вельтясы ташто кудынеть
Аёвтавикс валдосо чокшнесь.
Комментировать