Аштемковонь 16 чись ульнесь сехте покш, сехте тевев Инекужосо. Важодемась мольсь ламо курова (секцияява). «Erzäks.ru» порталоньте эйстэст ёвтни Учеваткин Сантяй.
Е
втасынь сынст:
1. «Суоми-угрань кельтнень ды шкинематнень тонавтнема лувось сырькайтнестэ одтнэнень» («Преемственность в освоении и использовании финно- угорских и самодийских языков и культур»)
2. «Суоми-угрань информациянь пертьпелькс: сонзэ касомазо» («Финно-угорское информационное пространство: перспективы развития»)
3. «Эрямо ломать ды вийкирдиесь» («Гражданское общество и власть»)
4. «Экономикась ды перька пертьпельксэсь» («Экономика и окружающая среда»)
5. «Ломанень касома-вишкалгавтомась ды ве таркасто лияс эрямо якамось. Сыре ды од томбале эрицят» («Миграционные процессы. Старые и новые диаспоры.»)
он ульнинь омбоце куросо. Сехте покш кевкстеманть токизе эрзянь раськень умонь ялгазо Джек Рютер, Хельсинкинь университет. Джак ёвтнесь, кода раськетнесэ улить сайт, сёрмадомань ванновкст (система автоматической проверки правописания). Эряви меремс, весе критериятнень коряс (википедиясо статьят, кельсэ сайт ды лият) минек раськесь ашти ламо финнэнь-угрань раськетнеде седе ало: аламо статьят википедиясо,арась эрзянь текстэнь корпус, аволь пек ламо сайтт эрзянь кельсэ. Монь пельде уельнесь кевкстема эрзянь келень сёрмадома ванновкстнэде. Джак Рютер (парсте эрзянь келень содыцясь) макссь каршо вал эрзянь кельсэ, поладызе англань. Джак тешкстызе, сон важоди истямо программа лангсо ламо шка. Ули кемема, шкань ютазь сон весенень карми панжадо. Арседе: печатадо эрзянь кельсэ, а тынк мельга программась невтни ильведькстнэнь, витни. Тешкстаса, мокшонь келенть тень коряс седеяк берянть тевензэ.
еде тов Википедиядо кортась Свен Эрик Соссар эстониянь церась. Евтась, кода топавтови проект-семинар, косо тонавтыть финнэнь-угрань кельтнесэ Википедиясь сермадыцятне. Свен ёвтась истямо мель: эряви келень паро лепштямо (положительная дискриминация): покш кельтнень а эряви нолдамс сеть таркатнесэ, косо берянь ёжост вишка кельтнень. Истя, сонзэ коряс, идевить-ванстовить вишка кельтне. Тагояк евтаса, Википедиясо эрзянь кельсэ малав сехте аламо статьят весе финнэнь-угрань раськетнень ютксо (3139). Седеяк аламо мокшень кельсэ (1129).
икуншкане понгинек нилеце курос, косо кортамось мольсь этнотуризмадо. Эстэнь церась Айвар Руукель евтнесь, кода ламо иень перть вети туризмань тевтнень. Сон тешкстызе, ардтниця ломантненень пек эрявить алкуксонь, аутентикань тевть.Сынь а вечкить аволь алкуксонь, вейке чинь кис теезетнень.
Чокшне ёнов ульнесь максозь покш концерт Сибелиусонь залсо. Сцена лангсо седясь Ян Сибелиусонь лемсэ Лахти ошонь симфониянь оркестрась. Лахтинь куншкасо ульнесь концерт, косо морасть финнэнь-угрань од ломантне. Теке шкасто ютась вастовома Финляндиянь МИДэнь ломантне марто, конатне важодить Московсо. Раськень од ломантне кортасть эсь проетэст коряс. Эрзянь раськенть пельде ульнинь мон. Пачтить сыненст «Азор» эрзянь фильмадонть, «Торамань» фолк-рок проектэнть коряс.
Учеваткин Сантяй
©Портал «Erzäks.ru»
Невтевкс налткенть эряви максомонзо,
зярдо саят тестэ сёрмадовкснэнь.
Последние комментарии