Кода минь икеле сёрмадылине, 2017 иень панжиковонь 21 чистэ Самар ошсо ютась «Масторавань тундо» XIX-це ёнксонь эрзянь ды мокшонь фестивалесь.
П
окшчинть анокстыцякс ульнесь Самарань ёнксонь «Масторава» Мордовиянь раськень-шкинемань куншкатаркась» вейсэндявксось. Сыненст лездасть Самара ёнкссонть шкинемань министерствась, Самара ёнкссонть Раськень Ялгасчинь Кудосось, «Самарань ёнкссонть Раськень Кужось» вейсэндявксось.
П
окшчинь перть ульнесть раськень ярсамопелень ды шкинемань невтемат, эрьва сыцянтень казильть «Валдо ойме» кулялопанть. Ширманкинэнь Василий, Саран ошонь 43-це № лицеенть тонавтыцясь ютавсь чувтова керсеманть ланга мастер-класс.
К
онцертэнть ушодызь Саран ошсто инжеть — «Мерема» фольклоронь-этнографиянь морамо кужось (артындеень прявтось — Модинань Екатерина), неень шкань эстрадань морыцясь Мамаевень Артём.
И
нжетненень морасть ды киштть морамо кужот Шенталань, Исаклань, Похвистневань, Клявлянь, Кошкинань, Венч-Прянь, Краснояронь, Вирьпулонь, Нефтеошонь, Киньлеень-Черкассонь Самара ёнкссонь буетнень ды Тольятти ошсто. Самара ошсто морасть морамо кужот: «Масторава», «Килейне», «Вияна», «Велень койть», эстрадань морыцят Глуховонь Анатолий ды Рауткинэнь Виктор, одломанень морыцясь Трифоновонь Максим.
ПЕТРЯНЬ АНДЮ
Портал «Erzäks.ru»
Невтевкс налткенть эряви максомонзо,
зярдо саят тестэ сёрмадовкснэнь.
Комментировать