2016 иень таштамковонь 25 чистэ Мордовия Республикань Кочкурбуень Сурвелесэ ютась пильгеоскань налксема Иван Чембаев эрзянь цёранть лецтнемга. Чембаев ламо иеть налксесь «Чайка» (Сурвеле) пильгеоскань куросо.
Н
алксемасонть пелькстасть кавто велеть – Сурвеле ды Кочкурвеле. Налксемась ютавтовсть 2 пельксстэ. Эрьвасонть – 25 минутат. Васенце пелькссэнть Кочкурвелень налксицятне пансть кавто оскат. Омбоце пелькссэнть инжетне нилексть совавтызь осканть азортнэнь ортас. Кочкурвелесь изнясь – 6:0. Изницятне ды изнязтне казезельть шнамонь конёвсо ды кубкасо Юрий Наумкин Сурвелень прявтонть пельде. Теде башка кавонест пильгеоскань куротнесэ кочказельть сехте вадря налксицятне. Азортнэнь ютксо истямокс кармась Валерий Ловштанов, инжетнень ютксо – Игорь Любушкин.
Налксицятне сюконить Юрий Наумкин Сурвелень прявтонтень ды Николай Чембаев – Иван Чембаевень цёранзо туртов пильгеоскань налксемань анокстамонть ды ютавтоманть кисэ.
Зинёронь Сантяй
©Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать