2016 иень ацамковонь 13-це чистэ Таллиннсэ карми ютавтовомо Йовлань Олонень алтазь лецтнемань чокшне. Ютавтыцясь – «Сятко» эрзянь шкинемань курось Эстониясо .
«О
лонь Эстониясо ламот содасызь. Минек «Сятко» вейсэндявксонтень сон тейсь ламо паро тевть, – корты «Сятконь» прявтось Абросимова Наталь. – Эстэнь раськенть покш ялгазо Йовлань Оло – те, васняяк, ломань пшти вановкс марто, кона пингеде пингес кадовсь минек седейтнес».
Чокшнентень тердевить весе, кить содылизь ды вечкилизь Олонь.
Те чокшнесэнть Олонь кармить лецтямо эстэнь, сетунь ялганзо ды Эстониясо эриця эрзятне.
«Лецтнемань чокшненть тувталозо – невтемс, кодамо путовкс тейсь Оло Эстононь масторсо, зярдо «Торама» сашкнось Эстонияв 1998-2002 иетнестэ, – полады Абросимова. – Истя жо карматано ванномо ташто видеот, фотот, конатнень кандсызь Олонь эстэнь ды сетунь ялганзо. Тейтяно «Йовлань Оло ды сонзэ сюлмавксонзо Эстониянть марто» невтевкс-презентация».
P. S. 2001 иестэ «Ээсти постимеес» кулялопасонть лиссь Йовлань Олонь марто кортамо.
Ю
тамо таркась: Таллинн ошонь «Фенноугрия» вейсэндявксонть («MTÜ Fenno-Ugria Asutus» Pärnu mnt 28 Tallinn, 10141) нупальсэ 17:00 чассто.
«Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать