Виталий Картышкиннэнь кода ёроков од сёрмадыцянтень максозь Россиянь Культурань министерстванть пельде госстипендия.

myv: Виталий Картышкин — неень шкань эрзянь сёрмадей. Тонавтыця. ru: Виталий Картышкин — эрзянский писатель. Педагог. en: Vitaly Kartyshkin — Erzya writer, teacher. foto by: Erzianj jurnalist, (CC BY 4.0)

С

он явозь тензэ Россиянь Литераторонь вейсэндявксонть лезксэнзэ вельде, васенце книганзо нолдамга. Аштетяно покш мельспаросо Виталянь кувалма ды учотано пельдензэ од сёрмадовкст ды од изнявкст!

Виталий Картышкин:
Стипендиянть максоманть кувалт аштян мельспаросо. Васняяк ули мелем ёвтамс сюкпря «Сятко» журналсо важодицятнень туртов: Подгорнова Алинанень ды Рябова Людмиланень. Сынь лездасть тень пурнамс эрявикст конёвт. Пек вадря — Россиянь Литераторонь вейсэндявксось явсь мель эрзянь литературанть туртов. Максозь стипендиянть лангс арсян нолдамс книга, козонь совить сёрмадовксом: ёвтнеман ды мизолксом.

Алина Подгорнова:
Мон пек кенярдан, мекс Виталийнень макссть книгань нолдамс госстипендия. Башка книгас сёрмадовксонзо умок пурнавсть. Арсян, курок тень лети саемс кедьс вечкевикс ёвтнема марто пусмонть. Кадык те паро кулясь карми аволь меельцекс, ды шкинемасо Виталиень саевксэнзэ ансяк ламолгадыть!

ПЕТРЯНЬ АНДЮ
Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь