2016 иень умарьговонь 25-це чистэ Саран ошонь А. Полежаевень музейсэ юты «Эпос ды лирика» литературань чокшне. Сон алтави эрзянь сёрмадеенть А.Д. Куторкинэнь 110 иетненень.
А
ндрей Дмитриевич Куторкин (cёрмадей лемезэ эрз. А. Ёндол) чачсь 1906-це иестэ умарьговонь 25-це чистэ. Чачома ёнксозо – Чувашиянь Порецкой райононь Студенец велесь. Школань прядомадо мейле 1924-це иестэ 1927-с тонавтнесь Ульяновской совпартшколасо. Тосто кучизь Мордовияв. Тесэ тонавтсь эйкакшт ловномо ды сёрмадомо. 1932-це иестэ саезь чалги журналистень ки лангс. Васенце эскельксензэ литературасо – те «Деревенское» очеркезэ, «Чопудасо» ёвтнемазо, «Чондат», «Варма-крандаз» ды лия ёвтнематне. Шкань ютазь терявтни виензэ покш жанрасо – лиси историко-революционной романозо «Раужо палмань», «Вейсэ» поэмазо, «Ламзурь» поэмазо. Седе тов ловныцятне кенярдыть Куторкинэнь «Покш ки лангсо умарина» стихсэ романонтень. Сехте покш ды виев произведениязо — «Лажныця Сура», колмо пелькссэ романось.А.Д. Куторкин казезель «Знак Почета» кавто орденсэ, истя жо зярыя медальсэ.
Седе ламо ловнодо, Эрзянь Википедиясо: Куторкин Андрей Дмитриевич
Саезь «Вайгель» лопастонть
©Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать