Кода икеле минь сёрмалинек, даволковонь 20 чись ульнесь тешкстазь «Эрзянь сёрмадомань чис». Те чистэнь чачсь Авксентий Юртов, эрзянь букварень теицясь. 

Я

лгат!!! Ютазь иестэнть минь ютавтынек вайгелень максома минек «Эрий кель» интернет-кулялопасонть: эрзянь букварень теицянть — А. Ф. Юртовонь чачома чинть (даволковонь 20-це чись) теемс покшчикс. Ульнесть ламо мельть, кодамо лем максомс те кенярксчинтень. Ламот максызь вайгелест «Эрзянь сёрмадомань Чи» лементень. Минь пек кемтяно — те покшчись карми курок весенень пек малавикс ды вечкевикс. Кемтяно тынк лезксэнк лангс, ялгат!!!

Секскак те чистэнть «Эрий кель» интернет тонавтома кужось карми ютавтомо Россиянь келес тонавтницятнень туртов олимпиада эрзянь келень коряс. Те пелькстамосонть кармавтоматнень кармить топавтомовесе сеть, кинь карми мелезэ. Весе тонавтницятненень ды сынст тонавтыцяст туртов казевить сертификатт, изницятненень — шнамолопат. Арсетяно весенень изнямо!

Невтема:

А

вксентий Филиппович Юртов (1854-1916 гг. — эрзянь кельсэ васенце букварень нолдыцязо.

Чачсь 1854-це иень даволковонь 20 чистэ (8-це чистэ ташто стильсэ) Уфань губерниянь Мезелинань уездэнь Акташонь волостень Калейкина велесэ (ней Татаронь Республикань Альметьевскоень буе). Тенязо-авазо прявтмасторонь сокицяльть-видицяльть, бояронь локшо эзть сода, семияст покшоль. Авксентий цёракаесь превеель, чарькодицяль, пек бажась содамочинь валдоньтень. Покш назойчинзэ кувалма кучозель тонавтнеме Казань ошов церьковасо лемдязь печкасонь школав. Тесэ сонзэ редизе сонсь Н.И. Ильминский, кона панжовтызеяк те школанть. Мейле сынст — тонавтыцянть ды тонавтницянть — ламо иес сюлминзе кеме ояксчи. Тенень кемевтить вейкест-вейкест туртов сёрматне, конат ванстовсть Казанень архивсэ.
1872 иестэ А. Юртов эрзянь кельс ютавтызеть: (рузокс «Историю Ветхого Завета») (лись 1880 иестэ). Эсь ютавкстнень кизна ловныль эрзянь велева, кевстнесь весе-аволь чарькодеви ды домкасто сёрмадозь.
1884 иестэ сон нолды «Букварь для мордвы-эрзи с присоединением молитв и русской азбуки», эйсэнзэ сон пурны веси эсинзэ содамочинть, тонавтнома ды ютавтома ёрокчинзэ.

«Эрий кель» Пурнавксось

Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь