Вана мезе муйсь тедиде Обран ёнкссо, Дивеево велень маласо, Елизарьево велинесэ, пиресэ вейке ломань.
Л
оманень рунготеевкскэсь муезель кудо вакссо, пиресэ, аволь пек мода потсо, коймесэ чувомсто. Муицязо, ломанесь арсиця, превей. Эзизе ёрто ве ёнов. Ванкшнызе. Арсизе. Тейсь ванмо (фото). Ванмонть путовтызе ялганзо вельде эрзянь Интернет кортнема курос.
Муицясь кевкстни эрзятнень: мень рунготеевкске, мень рунговаловкс муевсь? Шахматонь рунгокске? Эли лия мезе? Тешкспутомка (печать)?
Муевсь наксадозь лазнэ ало. Рунгокскесь ульнесь вельтязь-ваднезь чуварсо Муема таркасонть ульнесь чувар, конань, паряк, ускизь чувар дурсто. Муевкскесь стакине. Улема, теезь кивестэ, оложазь пижесэ. Оршамонзо рунгокскенть кувакат, теке телень. Кедьсэнзэ кирди эли цётмар, эли конёв тапаркс. Те тапарксонть (эли цётмаронть) верце пезэ тапазь-колазь. Пряспутовксозо теезь ламаненть аволь пек чарькодеви. Колмо кепедьстезь кикст таргавить пряспутомканть лангаванзо конясто човоньс. Куншкасось – неяви теке кокорь, кавто ёнгсотне – неявить теке кавто сюрот. Истя неяви, зярдо ванат рунгокскенть лангс икельдензэ. Зярдо варштат лангозонзо верде – кикстнэ неявить кода колмо кепедезь кикст. Чамазо келей. Сакалонзо ломаненть — кувакат.
Рунгокскень валовксонть потмозо чаво. Алонзо, чаво таркасонть – чарокс кондямонь чаво таркине, теке тешкспутомкань таркине.
Кулянть кучинек Луга Ян ошов, Аношонь Тумайнень, эрзянь музеень прявтонтень. Учотано мелензэ муевксэнть кувалма. Кодамо а содавикс куля кандсь неень шкань эрзятненень те, неяви, пек кезэрень пингетнестэ кучовксось минек Эрзянь Масторсто? Терявттано содамонзо…
Эрюш Вежай ©Портал «Erzäks.ru»
Невтевкс налткенть эряви максомонзо,
зярдо саят тестэ сёрмадовкснэнь.
Комментировать