2016 иень медьковонь 23 чистэ Нижней ёнксонь Лукоянова буесэ котоцеде ютась «Эрзянь лисьмапря» покшчись. Ламо таркасто эрзятне пурнавсть кельме лисьмапрянть вакссо.
С
онзэ арсицязо-теицязо, весе мелявкстнэнь прявт топавтыцязо — Аношонь Тумай (Н.И. Аношкин). Покшчинть ютавтомо эрзятне сакшность эрьва косто, содазь, Мордовиястояк. Инжетнень каванясть тантей ямдо, карвотикше марто чайде. Ансяк сехте тантей «каванямкась» ульнесь лия. Те — эрзянь моротне, конат гайгсть сцена лангсто, ялга-ялга марто вастовоматне, вейсэнь озксось, ялгаксчисэ лиезь коштось.
Ансяк покшчинь анокстыцятне содыть, зяро вийть, шка ды, нама, ярмакткак савсь ютавтомс. А эряви стувтомс ёвтамс тенст сюкпря тевест кис!
Те чистэнть панжозельть зярыя ледстнемань лазт. Сынь алтазь Д.Т. Надькиннэнь, С. Д. Эрьзянень, С. М. Люлякинанень, В. Ромашкиннэнь ды С. Туршатовнень. Неть ломантне содавикст, ды эряви теемс истя — содаст сындест сыця шкань эрзятнеяк.
…Пиземеськак эзизе кола ломантнень мелест. Ламот аволь васенцеде сакшность те покшчинть тешкстамо. Те корты седе: мельзэст сон тукшны.
Кода эрзянь малав эрьва покшчинть, «Эрзянь лисьмапрянть» гайгевтизе эсензэ моросонзо «Торамась». Сонзэ морамозо-седямозо — те эрзянь раськесь, сонзэ вайгелезэ, сонзэ покштятнень ды сырькайтнень марто сюлмавомазо ды икеле шкав сувонь пачк варштавксозо. Кемема: те сувось срады. Ды тень кисэ вий путома эрьвантень минек эйстэ.
Ванмось тесэ.
©Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать