Панжиковонь 19-це чистэ 12:55 чассто «Культура» каналсо лиси эфирс «Россия, любовь моя» программа, конасонть карми Нуянь Видяз.

Т

е программасонть минь ардтано Алоошонь ёнксов ды карматано кортамо эрзя раськеденть. Кодамо масторстонть ушодовсть мокшотне ды эрзятне? Косто саевсть «мокша», «эрзя»? «мордва» валтне?

Мазыйде-мазый эрзянь койтнеде – озкст. Коли ды мекс сынь ютавтовильть? Кодамо таркатнева? Кие анокстыль ды ютавтыль озкстнэнь, ды кодамо тарка эйсэст топавтыльть цёра ды ава ломантне, сыретне ды одтне? Мекс эрзятнень ды мокшотнень койтнесэ-кирдатнесэ улить седе ламо азорават, ды аволь азорт? Картомась студиясо карми молеме эриванмонь марто, конань ускизь экспедициясто.

«Россия, любовь моя» программанть ветицянть Пьер Кристианонь Брошень инжекс — Нуянь Видяз (Евгений Владимирович Четвергов), сёрмадей, «Эрзянь Мастор» прявтредакторось.

Паро мельсэ ванодо, ялгат!

кулясь сёрмадозь нежедезь рузонь версиянть ланкс «Культура» вальмасто саезь

©Портал «Erzäks.ru»

Невтевкс налткенть эряви максомонзо,
зярдо саят тестэ сёрмадовкснэнь.