Кода ютась Эрзянь Келень Чись Эстониясо 2017 иень чадыковонь 19-23 читнестэ, течи тыненк ёвтни Калаганонь Керяз, «Эрьмезь» ды Йовлань Олонь лемсэ «Этно-кудонь» прявтось.
Эр
зянь ломанень «Сятко» вейсэндявксось, конань прявтозо содавикс эрзянь тевень ветицясь Н.Абросимова, те иестэнь аламодо полавтызе свалшкань Эрзянь келень тешкстамо коенть Эстониясо. Тувталтнэ истят: васняяк те Инечись, мейле Фенно-Угриянь сьлмавксонь 90 иень тешкстамось, мейле алтазь те чинтень цела пусмо чувтосто керсемань выставкат ды мастер-класст, конатнень ютавтомо тердизь Вирь Тавла велень «Эрьмезь» чувтосто керсицятнень, Россиянь артыцянь пуромксонь совицятнень В.Ширманкинэнь ды П.Рябовонь. Те невтематне ды мастер-кластннэ «Сятко» вейсэньдявксонь аватнень марто, пек сюпалгавтызь эрзянь келень ды Фенно-Угриянь юбилеень читнень тешкстамонть. Программась конанть анокстызе Н.Абросимова сюпав эрьва кодамо пельксэ.
Ва
сенце жо чинть Эстононь келень институтсо ютась ненецэнь чокшне. Тесэ морась ды евтнесь ненецэнь фольклоронь, койтнень-кирдатнень содыцясь Татьяна Лер. Институтсо ульнесь вастовома прявтонть Тыну Тендер ды Фенно-Угриянь важодицянть Яак Прозес марто. Те чокшнестэнть, сыця ломантне, теевсть содавиксэкс Вирь Тавла велень чувтосто керсицятнень шкинемаст ды удмуртонь артыцянть С.Антиповонь артовксонь пусмонзо марто, кона лемдезь «Финно-угрань музыкальной мир». Те невтемась панжозь институтонь нупальтнесэ.
Ом
боце чинть мастер-классось, кона ютавтозь рузонь эйкакшонь тонавтнема Ласнямяе гимназиясо 7-9 класстнэнень, пек токинзе тонавтницятнень ежост. Истямо сынь зярдояк эзть некшне. Чувтосто керьсевкстнэ «Эрьмезь» вейксэндявксонь мастертнэнь В.Ширманкинэнь, Д.Рябовонь, А.Рябовонь, М.Рябовонь, П.Рябовонь сайсть кавто покш стуворт. В.Ширманкин евтнесь эрзянь кезэрень седямо пелькстнэде ды сеске невтизе кода тееви нудеесь.
П.Рябов евтнесь кить неть эрзятне, косо эрить ды кодат те раськенть оймень ды культурань питнейчинзэ, кодат ине ломанть листь эрзянь раськестэнть. Эрзянь кезэрень промысладо, талвань налшкеде евтнемась поладовсь чувтонь лишминень теемасо, мезенть тееме варчнизь тонавтницятнеяк. Гимназиянь прявтонть полавтыцясь Ирина Становая, весень пельде, евтась сюкпря те апак учо казненть кисэ. Паро мельсэ тешкстызе кода парсте тесэ важоди финнэнь келень ветицякс Н.Абросимова.
Те
ке чинть Куму артомань музейсэ, кона ашти Эстониянь призидентэнть кудонзо вакссо ды ловови Европань весе вадря музейтнень ютксо вейкекс, ютавтозель Фенно-Угриянь сюлмавксонть 90- иень юбилеезэ. Программась те покшчинть арсезь келейстэ, домкасто ды превейстэ. Фенно-Угриянь весе историясь ульнесь невтезь концертэнь невтемасо, конань лемезэ «Нармунень ки». Арсицязо ды путыцязо, Эстониянь келес содавикс удмурткась, Мария Корепанова. Проектсэнть покш тарка занясь Вирь Тавла велень «Эрьмезь» вейсэньдявксонь чувтосто керсема выставкась, конань весе сыцятне-совицятне паро мельсэ ванность.
Невтезель кинофильма косо Яак Прозес евтнесь Фенно-Угриянь чачома чи ланга, архивень коневт ды кудось, косо 1927 иетнестэ панжозель Фенно-Угриясь. Кинонть песэ невтизь весе финно-угратнень ойме валост чачома чинть коряс. Мельспарокс ульнесь неемс «Мерема» фольклоронь морамо пурнавксонть ойме валосткак. Эрзятнень пельде, «Эрьмезь» вейсэньдявксонть пельде, кавто-колмо валт евтась Калаганонь Керяз ды казесь Тавлань керсевкс.
Ко
лмоце чинть теезель вастовома содавикс скульпторонть, ава ломаненть , Тийю Кирсипуу марто Таллинэнь артома университетсэнть. Сон невтнинзе шкинемань весе факультетнэнь ды евтнизе кодамо тувталс эртевкшнить шкинемас тонавтома тевсэнть. Теке чинть Тарту ошсо, Фенно-Угриянь арсезь секе проектэсь ульнесь невтезь Эстониянь раськень музейсэ. Те музеенть домкачизэ ды покшолмазо ловови весе Европань сюпавчикс. Музеесь теезь одс ды тесэ максови покш тарка весе Росиянь финно-угратнененьгак. Те нупалесь арсезь ды теезь неень шкань технологиятнень коряс.
Тесэ пурназь ды невтезь материальной, культурань, историянь, социальной ды оймень (духовной) эрямось минек раськетнень. Ули тарка тесэ эрзятненьгак. Музеень совамо нупальсэ ульнесь панжозь покш невтема Вирь Тавла велень чувтосто керсевксэнь. Те невтемань панжоманть ютавтызь «Сятконь» аватне. Мазыйстэ оршазь эрзянь одежасо, цитниця сельмсэ сынь невтизь эрзянь ойменть, культуранть да эрзянь келень мазычинзэ. Тесэ Н.Абросимова ламо кельсэ кортась сыцятнень марто ды тейсь содавиксэкс васолдо сазь инжетнень шкинемаст марто. Валдо тештинекс ульнесь свалшкань ялгатнень Юлле Каукси, Эвар Риитсар, Айгар Тынесян марто вастовомась ды кортнемась.
Ни
леце, туема чистэнть, Фенно-Угриянь кудосо максозель аволь покшке чувтосто керсемань мастер-класс ды невтема. Лембестэ ютась кортнемань, лецтнемань, кутьморямонь-сельведень, карадо-каршо казнемань ды ильтямонь кой. Весень ойметнесэ кадовсь а евтави тансть, ды теке марто нусманячи, сень коряс, мекс ули весеменень ушоткс ды пе. Ансяк эрзянь тевтненень зярдояк илязо са пе. Свалшкань эрямо эрьзянь раськентень, келентень ды масторонтень!
Ми
нь евтатано покш сюкпря «Сятко» вейсэньдявксонтень, Фенно-Угриянтень ды башка, минек ялгантень, Н.Абросимованень.
Вирь Тавлань велестэ Калаганонь Керяз,
«Эрьмезь» ды Йовлань Олонь лемсэ «Этно-кудонь» прявт.
«Erzäks.ru» портал
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать