«Эрзянь вал» Интернет куросонть 2015 иень ацамковонь перть ютасть мельпупутомат сеть эрзянь ломатненень, эрзянь тевтненень, конат кадсть 2015 иенть перть редявикст тешкст эрзятнень превсэ-мельсэ. Мельпутовкстнэ ловозь 2015 иень ацамковонь 31 чистэнть.
«Э
рзянь тев – 2015»
лементь эрзятне максызь «Эрий кель» Интернет куронь важодемантень, куронь ветиесь — Богданова Ольга, Тольятти ош, Самара ёнкс, покшто покш путовксонзо кис эрзянь келенть ванстомань-вельмевтемань тевсэнть.
Омбоце таркасонть – «Эрзянь Мастор» эрзянь кулялопанть нолдамось, прявт витниезэ — Нуянь Видяз.
Колмоце таркасонть – эрзянь ледстнемапарконь теемась, теицязо – Аношонь Тумай, Обран ёнкс, Лугаянонь буе.
«Э
рзя-2015»
лементь эрзятне максызь Аношонь Тумайнень, эрзянь музеень прявтонтень ды эрзянь ЭТНОПАРКОНЬ панжицянтень, косо ютавтневи «Эрзянь лисьмапря» покшчись, ды Жегалина Римманень, «Эрзянь моро, мазый моро» Интернет куронь ветиентень. Истя эрзятне тешкстызь неть кавто эрзянь ломантнень покшто покш путовксост Эрзя раськенть ванстомазонзо ды вельмевтемазонзо.
Обмоце таркасонть – Эрюш Вежай, «Руця» эрзянь Лезэпраргонть тев ветиесь.
Колмоце таркасонть – Будаень Давол, МАФУН-с эрзя раськенть Эрзя лемензэ ало совавтыцянтень.
«Э
рзянь моро – 2015»
лементь эрзятне максызь «Лемень кундамо» моронтень. Морыть: Мирослава Копинец, Александр Садварий. Седямксось: Kulervo Hämäläinen- Эрзянь валтнэ: Эрюш Вежаень.
Омбоце таркасонть – «Моро тиринь веледем» морось. Морыцясь: Евгений Самаркин. Седямксось Евгений Самаркин. Валтнэ: Евгений самаркин.
Колмоце таркасонть – «Эрзянь Мастор» морось. Морыцясь: Мария Попова, седямксось: Бакич Видяень, валтнэ: Бакич Видяень.
Нилеце таркасонть – «Монь эрзянь чачома велинем» морось. Моры: Михаил Седойкин. Седямксось: Михаил Седойкин. Валтнэ: Жегалина Риммань.
Ветеце таркасонть: «Ратор чирева» морось. Морыть: Мирослава Копинец, Александр Товт. Седямксось: литва раськень. Валтнэ: Боляень Сыресень.
Котоце таркасонть: «Свал мльсэм се кудось» морось. Морыцясь: Артём Мамаев. Седямксось: Александр Морозов. Валтнэ: Жегалина Риммань.
Сисемце таркасонть: «Энялдан, Инешкипаз!» морось. Морыцясь: Олёш. Седямксось: Олёшонь. Валтнэ: Боляень Сыресень.
«Э
рзя раськень ялга – 2015»
лементь эрзятне максызь Копинец Мирославанень, Украина, Ужгорож ош, эрзякс морамонзо кис.
Омбоце таркасонть – Товт Александр, морыця, мадьяр, Украина, Ужгород ош, эрзянь кельсэ морамонзо кис.
Колмоце таркасонть – Малых Артём, удмуртонь ды суоминь-угрань тевветий, «Uralistica» Интернет-вальмань ветиесь, эрзя раськенть эрямозонзо мелень явомань кис.
Нилеце таркасонть – Попов Юрий (тоначив туемадо мейле), коми, коми ды суоминь-угрань раськень тев ветиця, эрзя раськентень мелензэ путоманзо кис.
«Руця» эрзянь Лезэпаргось
©Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать