2016 иень сундерьковонь 5-це чистэ Петра ошонь Раськень литературань ловномакудосо ютась шкинемань чокшне «Степан Эрьзянь Ледстнема Чи». Вастовомась алтазь 140 иень эрзянь Инекерсицянть чачома чистэнзэ.
Мезэ ульнесь вастовомасонть:
• «Эрзянь авань чамаёнксось Степан Эрьзянь шкинемасонзо ды эрзянь седямо-валморонь раськень коесь» (руз. «Образ эрзянской женщины в творчестве С. Эрьзи и эрзянской музыкально-поэтической народной системе»). кортыцясь — Лилия Шамова, искусстань-ветиень кандидат, тонавтыця ды сех покш квалификациянь категориянь концертмейстер, Россиянь Этнографиянь музеенть наукань важодиця.
• эрзянь ломантнень ютксо арсема сёрмадовксонь пелькстамо: «Степан Эрьзя. Мейсэ сонзэ питнезэ эрзянь раськенть туртов?» ютавтомась. Теицязо «Руця» эрзянь Лезэпаргось. Эрзянь ды рузонь кельсэ ловномась.
• Эрзянь 2017 иень ковкерьксэнть невтеманзо. Сон алтазь Степан Эрьзянень.
• Куксовонь Денис артыесь невтизе эсинзэ од теевксэнзэ, кона альтазь Степан Эрьзянень Инекерсицянть.
Чокшненть анокстыцяст кармасть Петра ошонь ды Ленинградонь ёнксонь эрзянь ломанень вейсэндявкс «Эле» ды Суоми-Угрань Раськетнень Одломанень Вейсэндявксось (МАФУН).Информациянь вейслезтеиекс «Erzäks.ru» интернет порталось.
Комментировать