Кода, икеле сёрмадокшнынек, ацамковонь 8-це чистэ А. С. Пушкин лемсэ Мордовия Республикань раськень ловнома кудосо «ВАЛ» курось ютвтсь «Чары пластинкась…» шкинемань чокшне.
С
он алтазель А.В. Арапов поэтэнть шкинеманстэнь. Чокшненть ушодовомсто «Сятконь» прявт редакторось Т.В. Разгуляева макссь казнеть сетненень, кить изнясть С.Д. Эрьзянень 140 иень топодемантень алтазь пелькстамосонть:
1-це таркась максозь Т.Баргованень «Эрьзянь тейтерезэ» сёрмадовксонть кис, 2-це таркась — Петрянь Андю «Степан Эрьзя Италиясо «кадызе оймензэ пельксэнть», 3-це таркась- Л.Митякинанень «Степан Эрьзянь шкинемасо геронтологиянь ёнксось» сермадовксонть кис. Теде башка, шнамо конёвсо тешкставсь Г.Гребенцов «Эрьзянень» валморонзо кис ды М. Слугина «Монь Эрьзям» сёрмадовксонть кис.
Т
еде мейле уш весемесь алтазель ансяк А.В. Араповнень. Чокшнесь ютась пек лембестэ. Инжетне мельспаросо кунсолость ине поэтэнть валморонзо, конат домкасто сокардыть ломаненть сехте кекшезь, сехте ванстовиця ёжомарямотнень ды лездыть чевтемтемс казямочисэ кершазь ойметнень.
Ванмо, кода ютась лецтнемга чокшнесь «Чары пластинкась…».
ПОДГОРНОВАНЬ АЛИНА
«Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать