Антонина Григорьевна Костина (тейтерькс — Горбунова) — Мордовия Республикань Ардатовской райононь Орозбие (Урусово) велень «Паро ялгат» ансамблянь прявт. Соды пек ламо морот — кезэрень ды неень шкань, сонськак сёрмады седейс токиця эрзянь морот, частушкат.
Антонина Григорьевна пингензэ перть важодсь школасо тонавтыцякс, пионервожатоекс, нейгак покш активистка. Сон — «Эрзяночка» шумбрачинь кужинень ды велень ветеранонь советэнь прявт. Сон весенень лезды, ёвты лембе вал, мазый моросонзо эжди ойме, кепеди мель эрямс шумбрасто-парсте.
Последние комментарии