2016 иень телестэнть ушодынек тееме-снимамо эрзянь кельсэ васенце фильма – «Азор». Тевесь сыргась. Васняяк эзинек чарькоде, кодамо канст путынек эсенек лангс. Ютко шкасто,чокшнеть-веть, оймсемачить-мезть пурнынек пелькскень-пелькс весенть, мезе эряви: камерат, ломанть, оршамот, пельть…
Л
амосо тевесь ашти кавто ломанень мелест, потсо палыця толост эйстэ. Те Бакич Видяй (Виктор Чичайкин) морыцясь (режиссер, снимиця, ванномань витниця-петниця, моронь сёрмадыця) ды мон, Александр Учеваткин (сценариень сёрмадыця, важодемань аравтыця).
Тельня яволявтынек, вешинек ярмаконь лезкс весень пельде, кинень вечкеви минек тевенек. Видьстэ меремс, аволь ламот маризь яволявтоманок, ансяк те максозь ярмактнеяк пек покш тев тейсть. Кармавтозельть реквизит-мезть, рамазельть-теевтезельть оршамопельть ды седе тов. Течи ули меленек ёвтамс лездыцятнень лемест, сюконямс мода видьс:
Кафтаев Денис (Воронеж) – 1500р.;
Дмитрий Таганов (Бугуруслан) – 1000р.;
Богданова (Сусорева) Ольга, Богданов Константин (Тольятти) – 2000р.;
Данильчев Александр (Сурвеле-Саран ош) – 1000р.;
Гайнинькань Пичай (Красноярск) – 5000р.
Неть ломантнень лездамост коряс тевесь сыргась седе тов. Кизна поладынек снимамо «Азоронть».
Меленек коряс арсетяно нолдамс алкуксонь, мельспаро, неень шкань кувака фильма (полнометражка), конань ули аволь визькс невтемс кинотеатрасояк. Мелень топавтомас потмовийде башка, кода ёвтынек, савкшны путомс ламо ярмактнедеяк. Секскак тагояк вештяно лезэ весень пельде, кемтяно, паро тевс.
Ванодо тынк сельмс-превс «Азор» трейлерэсь.
Сценарий — Учеваткин Александр
Режиссер — Чичайкин Виктор
Композитор — Видяй Бакич
В Главных ролях: Павел Михайлов, Иван Бояркин
Лездамо счётось «АЗОР» фильманть лангс:
40817810039000260887
Бик банка 048952615
Кор / счёт банка 30101810100000000615
Учеваткин Александр Андреевич
Учеваткин Сантяй
©Портал «Erzäks.ru»
Невтевкс налткенть эряви максомонзо,
зярдо саят тестэ сёрмадовкснэнь.
Комментировать